Дом, пабудаваны беларускімі архітэктарамі, можа стаць канструктарам Lego

Як ён выглядае.

Дом, пабудаваны ў Менску беларускімі архітэктарамі ZROBIM architects, можа стаць канструктарам LEGO, які будзе прадавацца па ўсім свеце. Для гэтага яму трэба абысці ў галасаванні іншыя праекты, якія зараз разглядаюцца ў якасці новых прэтэндэнтаў на масавую вытворчасць.

У галасаванні ўдзельнічаюць ужо сабраныя з канструктара мадэлі. Дом ад ZROBIM architects сваімі рукамі збіраў 14-гадовы сын аднаго з аматараў архітэктурнай студыі і вялікі фанат іх работ. На гэта ў яго спатрэбілася паўгода.

Дом з канструктара выглядае настолькі дэталізаваным, што здалёк на малюнках яго можна прыняць за сапраўдны.

На сайце LEGO апісваецца, што гэта не проста мадэль будынка, а напоўнены сэнсам праект, які адлюстроўвае філасофію мінімалісцкай архітэктуры і гармоніі з навакольным асяроддзем. Версія LEGO захоўвае гэтую канцэпцыю, перадаючы ідэю сувязі чалавека з прыродай, а таксама важнасць адкрытай прасторы, піша «Наша Нiва».

Каб патрапіць на этап разгляду камісіяй па вытворчасці, праект павінен набраць 10 тысяч галасоў.

«Здаецца цікавым, што дом з Менска можа вырабляцца масава і прадавацца ў розных краінах у канструктары Lego», - каментуюць у ZROBIM architects.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com