Навукоўцы знайшлі гіганцкія сляды невядомага дыназаўра

Ён жыў у Манголіі.

Супольная экспедыцыя даследнікаў з Японіі і Манголіі знайшла ў заходняй частцы пустыні Гобі серыю скамянелых слядоў рэкордных памераў, піша «Хайтек».

Самы буйны адбітак дасягае 92 см у шырыню і належаў траваеднаму дыназаўру з сямейства гадразаўрыдаў. Паводле ацэнак даследнікаў, ягоны ўладальнік – верагодна, гіганцкі заўралоф – дасягаў больш як 15 м у даўжыню, што робіць яго адной з найбуйнейшай двухногіх жывёлаў у гісторыі Зямлі.

Экспедыцыя таксама выявіла на месцы раскопак 13 паслядоўных слядоў шырынёй 85 см, якія доўжыліся 24 м. Гэта знаходка дазволіць навукоўцам дэталёва вывучыць хаду і паводзіны гіганцкіх дыназаўраў.

«Знойдзеныя сляды даюць нам унікальную магчымасць прааналізаваць позу, стыль хады і групавыя паводзіны гэтых істотаў – інфармацыю, якую немагчыма атрымаць, вывучаючы толькі шкілеты», – адзначыў Шынабу Ішыгакі, дырэктар Музея даследаванняў дыназаўраў Універсітэта навукі Акаямы ў прэс-рэлізе.

Да гэтага часу найбуйнейшы вядомы навуцы шкілет гадразаўрыда належаў шантунгазаўру з Кітая. Новая знаходка дае надзею на выяўленне ў Манголіі шкілета яшчэ буйнейшага дыназаўра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com