СМІ: Кіеў пачаў перамовы аб размяшчэнні ва Украіне замежных вайскоўцаў

Размова ідзе аб кантынгенце 40-50 тысяч чалавек.

Кіеў пачаў абмяркоўваць са сваімі хаўруснікамі размяшчэнне ў краіне замежнага вайсковага кантынгенту ў якасці гарантыі бяспекі, паведаміў афіцыйны прадстаўнік МЗС Украіны Георгій Ціхі. З яго слоў, перамовы знаходзяцца «на вельмі ранняй стадыі» і яшчэ занадта рана казаць аб дакладнай колькасці міратворцаў, якія могуць прыбыць ва Украіну для абароны краіны ад паўторнай агрэсіі Расеі.

«Мы мяркуем, што доўгатэрміновыя і надзейныя гарантыі бяспекі для Украіны павінны ўключаць як Еўропу, так і Злучаныя Штаты. Толькі так мы можам гарантаваць, што гэты мір будзе ўстойлівым і даўгавечным», - сказаў Ціхі (цытата па Reuters). Прэзідэнт Украіны Уладзімір Зяленскі да гэтага заявіў, што для гарантавання бяспекі краіны пасля заканчэння баявых дзеянняў спатрэбіцца не менш як 200 тысяч міратворцаў. «Гэта мінімум, інакш нічога не будзе», - падкрэсліў украінскі прэзідэнт.

Пазней удзельнікі кансультацый паміж Кіевам і яго заходнімі партнёрамі паведамілі Financial Times, што ўкраінскія ўлады разлічваюць, што Захад размесціць ад 40 тысяч да 50 тысяч замежных вайскоўцаў на 1000-кіламетровай лініі фронту. Паводле інфармацыі Wall Street Journal (WSJ), прэзідэнт ЗША Дональд Трамп выяўляў цікавасць да ўводу міратворцаў ва Украіну, аднак ён выключыў удзел у гэтым амерыканскага войска. На яго думку, галоўная роля ў абароне і падтрымцы Украіны павінна належаць Еўропе. Пры гэтым Зяленскі намагаў, што амерыканскія вайскоўцы павінны ўвайсці ў міратворчы кантынгент, які будзе размешчаны ў краіне.

Упершыню адправіць ва Украіну заходніх вайскоўцаў у лютым мінулага года прапанаваў прэзідэнт Францыі Эмануэль Макрон. Пасля гэтага еўрапейскія краіны пачалі абмяркоўваць магчымасць такога кроку ў выпадку спынення ваенных дзеянняў для маніторынгу захавання рэжыму спынення агню. Пазней стала вядома, што краіны ЕЗ вядуць канкрэтныя перамовы аб адпраўцы вайсковага кантынгенту ва Украіну ў выпадку спынення або замарожвання вайны з Расеяй. Як расказалі крыніцы Reuters, мінімальная колькасць такой місіі можа скласці 40 тысяч жаўнераў, а ў яе аснову ўвойдуць кантынгенты пяці-васьмі краін, уключаючы Нямеччыну, Вялікую Брытанію, Францыю, Італію і Польшчу. Пры гэтым у еўрапейскіх службах бяспекі мяркуюць, што для абароны Украіны ад паўтарэння расейскай агрэсіі спатрэбіцца 100 тысяч вайскоўцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com