Кіраўнік МУС Эстоніі: Гэты крок параўнаем з уступленнем у шэнген або ЕЗ

8 лютага энэргасістэмы краінаў Балтыі адключацца ад злучэння з сеткамі Расеі і Беларусі.

Падчас дэсінхранізацыі эстонскай энэргасістэмы ад расейскай магчымыя правакацыі з боку суседняй краіны, мяркуе Лаўры Ляэнэметс.

«Мы павінны памятаць, што сінхранізацыя з Еўропай – гэта важны крок, які разрывае сувязь з Расеяй. Яна ліквідуе значную залежнасць і магчымасць уплыву, фактычна ліквідуючы апошні “канат”, якая злучае нас з усходам. Чыгуначныя зносіны ўжо адсутнічаюць, а эканамічная залежнасць зведзеная да мінімуму. У энэргетычнай сферы гэтая падзея параўнальная значнасцю з уступленнем Эстоніі ў Шэнген ці ЕЗ. Прычым гэты крок Эстонія робіць разам з Латвіяй і Літвой. Пры гэтым наш усходні сусед нікуды не дзенецца», – цытуюць у суботу, 25 студзеня, Лаўры Ляэнэметса радыёнавіны ERR.

Паводле ягоных словаў, пераключэнне падрыхтаванае старанна, і для людзей яно пройдзе незаўважна.

«Аднак у гэты перыяд энэргазабеспячэнне Эстоніі будзе больш уразлівым, і наш сусед можа паспрабаваць скарыстацца сітуацыяй. Мы павінны быць гатовыя да магчымых гібрыдных пагрозаў – ад кібератак да фізічнага ўмяшання, а таксама да распаўсюджвання дэзынфармацыі. Магчымыя нават спробы пашкодзіць энэргетычную інфраструктуру, – заявіў міністр.

«Гэтыя папярэджанні не для запалохвання, а для таго, каб падкрэсліць: паліцыя і іншыя службы бяспекі праводзяць паралельныя мерапрыемствы для забеспячэння парадку і прадухілення інцыдэнтаў падчас дэсінхранізацыі», – сказаў на заканчэнне Лаўры Ляэнэметс.

Як пісаў Rus.ERR, 8 лютага энэргасістэмы краінаў Балтыі адключацца ад злучэння з сеткамі Расеі і Беларусі. Злучэнне, ці сінхранізацыя, з сеткавай частатой кантынентальнай Еўропы адбудзецца на наступны дзень, 9 лютага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com