Фіцо адпрэчыў заклікі пайсці ў адстаўку, нягледзячы на маштабныя пратэсты ў Славаччыне

Ён агучыў сваю ўмову.

Прэм'ер-міністр Славаччыны Роберт Фіцо адпрэчыў заклікі грамадзян яго краіны пайсці ў адстаўку. З яго слоў, урад можа змяніцца, калі будуць праведзеныя выбары, піша Reuters (пераклад - «Уніян»).

- Урад можа быць зменены толькі пры ўмове правядзення выбараў, - адзначыў Фіцо ў інтэрв'ю грамадскаму вяшчальніку, калі яго спыталі аб пратэстах.

У Reuters нагадалі, што раней адміністрацыя прэм'ер-міністра Славаччыны абвінаваціла прагрэсіўных апанентаў у тым, што яны плануюць эскалацыю пратэстаў, каб незаконна зрынуць урад. Аднак апазіцыя і грамадскія групы, якія з'яўляюцца ўдзельнікамі пратэстаў, зняпраўджваюць такія абвінавачанні.

Таксама Фіцо, спасылаючыся на звесткі ад спецслужбаў, заявіў, што ў Славаччыне нібыта працуе група невядомых экспертаў, якія дапамагалі пратэстам супраць прарасейскага лідара ва Украіне ў 2014 годзе і ў Грузіі летась.

Ён дадаў, што пералік асоб, якія павінны быць высланыя, амаль гатовы, аднак не падаў больш канкрэтнай інфармацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com