Кая Калас: Беларускі народ заслугоўвае рэальнае права голасу

Гэтыя выбары не былі ні свабоднымі, ні сумленнымі.

Кіраўнік еўрапейскай дыпламатыі Кая Каллас назвала "выбары" прэзідэнта Беларусі фіктыўнымі, падкрэсліўшы, што яны не былі ні свабоднымі, ні сумленнымі, а беларускі народ заслугоўвае рэальнае права голасу ў дачыненні да таго, хто кіруе іх краінай.

Заява апублікаваная на афіцыйным сайце Еўрапейскага Звязу.

"Бязлітасныя і беспрэцэдэнтныя рэпрэсіі ў дачыненні да правоў чалавека, абмежаванні ўдзелу ў палітычным жыцці і доступу да незалежных СМІ ў Беларусі пазбавілі выбарчы працэс якой-небудзь легітымнасці", - канстатавала Калас.

Кіраўніца еўрапейскай дыпламатыі заклікала беларускі рэжым вызваліць усіх палітычных зняволеных "неадкладна і безумоўна" і нагадала, што больш за тысячу чалавек, уключаючы супрацоўніка Прадстаўніцтва Еўрапейскага Звязу, утрымліваюць у зняволенні ў Беларусі беспадстаўна.

Калас таксама назвала яшчэ адным доказам адсутнасці пераканаўчасці беларускіх “выбараў” тое, што беларускі рэжым надумаў запрасіць Арганізацыю ў бяспецы і супрацоўніцтве ў Еўропе/Бюро ў дэмакратычных інстытутах і правах чалавека толькі за 10 дзён да іх.

“З гэтых прычын, а таксама з-за ўдзелу беларускага рэжыму ў агрэсіўнай вайне Расеі супраць Украіны і яе гібрыдных атаках на яе суседзяў, ЕЗ будзе працягваць уводзіць абмежавальныя і мэтанакіраваныя меры супраць рэжыму, адначасова фінансава падтрымліваючы грамадзянскую супольнасць, беларускія дэмакратычныя сілы на эміграцыі, і беларускую культуру”, - адзначыла кіраўніца еўрапейскай дыпламатыі.

Яна запэўніла, што ЕЗ гатовы падтрымаць Беларусь у стабілізацыі яе эканомікі і рэфармаванні яе інстытутаў, як толькі яна пачне дэмакратычны пераход.

“Дэмакратыя патрабуе свабодных, сумленных і празрыстых выбараў, якія адбываюцца ў грамадстве, дзе пануюць правы чалавека, без абмежаванняў свабоды сходаў ці слова і ў якім плюралістычныя сродкі масавай інфармацыі могуць працаваць свабодна. У Беларусі гэта не так. ЕЗ на баку беларускага народа, і нашая падтрымка ў яго імкненні да свабоднай, дэмакратычнай, суверэннай і незалежнай Беларусі, як часткі мірнай і квітнеючай Еўропы, з'яўляецца непахіснай”, — рэзюмавала Калас.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com