«Чыгуначнікі»: З'явіўся новы маршрут для паставак люксавых аўто ў Беларусь у абыход санкцый

Пасля легалізацыі ў Беларусі аўтамабілі накіроўваюцца ў Расею.

Люксавыя аўтамабілі па-ранейшаму трапляюць у Расею ў абыход санкцый. Важную ролю ў гэтай схеме адыгрываюць беларускія лагістычныя кампаніі, якія забяспечваюць функцыянаванне альтэрнатыўных маршрутаў: калі раней яны праходзілі праз краіны Балтыі, то цяпер - праз Турцыю і Іран, сцвярджае “Супольнасць чыгуначнікаў Беларусі”.

Раней “антысанкцыйныя” схемы ўключалі перавозку дарагіх аўто з ЕЗ у краіны Балтыі, напрыклад Латвію, а затым іх транспартаванне праз Беларусь у Расею. Аднак пасля такія маршруты былі заблакаваныя, спыненыя чыгуначныя пастаўкі аўтамабіляў праз Латвію.

"Аднак у мэтах задавальнення попыту расейскага рынку на аўтамабілі класа люкс была распрацаваная альтэрнатыўная лагістычная схема, якая значна падаўжае і падвышае маршрут дастаўкі, але менш залежная ад уплыву еўрапейскіх паўнамоцных органаў, якія кантралююць захаванне санкцый", – адзначае супольнасць.

Са звестак чыгуначнікаў, новая схема дастаўкі люксавых аўто праз маршрут у абыход з марскіх партоў ЕЗ (у асноўным краін Балтыі) і непасрэдна ад пастаўшчыкоў у Еўропе праз Турцыю, Іран, Туркменістан, Казахстан, Расею і Беларусь. У Беларусі адбываецца размытнёўка аўтамабіляў, у асноўным у лагістычным цэнтры “Брэміна-груп” (Балбасава), які ўказваецца як нібыта канчатковы пункт іх атрымання. Пасля легалізацыі ў Беларусі аўтамабілі накіроўваюцца да канчатковых пакупнікоў у Расею.

Адзначаецца, што ўвесь шлях ад іранскай мяжы да беларускіх станцый праходзіць па чыгунцы, а транспартуюць аўто ў спецыяльных крытых вагонах-аўтамабілевозах.

Пры гэтым значная частка рухомага саставу для перавозкі аўтамабіляў належыць Літоўскім чыгункам (LTG), якія здаюць вагоны ў арэнду, нягледзячы на павялічаны час абароту з-за вялізнай адлегласці маршруту — блізу 4,5 тысячы км. Тэрмін дастаўкі складае блізу месяца.

Акрамя таго, кампаніі, якія ўдзельнічаюць у перавозках, часта ўносяць недакладныя звесткі ў транспартныя накладныя - напрыклад, паказваюць няправільную вагу або код тавару. Усё гэта для таго, каб схаваць фактычны канчатковы пункт прызначэння грузу і вывесці яго з-пад санкцый.

Прадугледжваецца, што ў 2025 годзе аб'ёмы перавозак у гэтай схеме могуць вырасці, нягледзячы на яе высокі ў параўнанні з латвійскім маршрутам кошт. Пры гэтым ўдзельнікі здабываюць выгаду за кошт канчатковых пакупнікоў, якія аплачваюць дадатковыя транспартныя выдаткі.

Сярод транспартных кампаній, якія такім чынам узбагачаюцца, супольнасць называе ТАА “Рузэкспедыцыя”, а таксама кампаніі, якія належаць аднаму з “партманэтаў” Лукашэнкі Аляксандру Зайцаву.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com