СМІ: «Кадыраўцы» ўчынілі выбух у жылым доме ў Белгарадзе

Расейскія ўлады скрылі прычыну выбуху.

Удзень, 25 студзеня, «кадыраўцы» ўчынілі выбух у жылым доме ў расейскім Белгарадзе. Спачатку пра гэта паведамлялі мясцовыя СМІ «Корреспондент», публікуючы кадры пажару і выбухаў, а затым факт пажару пацвердзілі МНСРФ і мэр горада.

Амаль 40 жыхароў 17 суседніх дамоў эвакуявалі, пашкоджанні атрымалі яшчэ два прыватныя дамы. Расейскія ўлады ўтаілі прычыну выбуху, піша расейскі тэлеграм-канал Astra. Адзначаецца, што раненні таксама атрымаў паліцыянт.

Расейскія журналісты высветлілі, што ў згарэлым доме жылі баевікі чачэнскага «Ахмата». Уладальніца дома распавяла, што пасяліла вайскоўцаў у доме добраахвотна, «у абмен на аплату камунальных паслуг».

Крыніцы ў экстранных службах рэгіёну РФ дадалі, што ў доме ўзарваліся неўстаноўленыя боепрыпасы, якія там захоўвалі вайскоўцы. Менавіта яны дэтанавалі падчас пажару. Адзін з баевікоў «Ахмата» загінуў на месцы, яшчэ чацвёра шпіталізаваныя. Таксама праз дэтанацыю атрымаў раненне супрацоўнік паліцыі, які прыбыў на месца пасля выбуху.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com