Канада ўводзіць новыя санкцыі супраць лукашыстаў
3- 27.01.2025, 19:29
- 6,882
Пад абмежаванні патрапілі 10 фізічных і 12 юрыдычных асоб.
Канадскія ўлады ўводзяць санкцыі супраць 10 фізічных і 12 юрыдычных асоб рэжыму Лукашэнкі. Аб гэтым у панядзелак паведамілі ў міністэрстве замежных спраў Канады. Атава ўвяла санкцыі супраць лукашыстаў і прадпрыемстваў у каардынацыі з Вялікай Брытаніяй.
«Сёння міністр замежных спраў (Канады. — Заўв.) Мелані Жалі абвясціла, што Канада ўводзіць новыя санкцыі ў дачыненні да 10 фізічных і 12 юрыдычных асоб у адпаведнасці з раздзелам аб спецыяльных эканамічных захадах (у дачыненні да рэжыму Лукашэнкі) у адказ на грубыя сістэматычныя і працяглыя парушэнні правоў чалавека, якія ажыццяўляюцца рэжымам Лукашэнкі ў Беларусі, а таксама ў адказ на яго падтрымку парушэнняў Расеяй суверэнітэту і тэрытарыяльнай цэласнасці Украіны», - гаворыцца ў паведамленні на сайце канадскага замежнапалітычнага ведамства.
Як сцвярджаецца ў паведамленні прэс-службы МЗС Канады, у ліку арганізацый, якія ўвайшлі ў санкцыйны спіс, тры беларускія дзяржаўныя арганізацыі і дзевяць прадпрыемстваў беларускага вайскова-прамысловага комплексу. У заяве замежнапалітычнага ведамства гаворыцца, што апошнія ўдзельнічалі ў «вытворчасці і пастаўках вайсковай тэхнікі, якая накіроўваецца ў Расею» для выкарыстання ва Украіне. «Некаторыя высокапастаўленыя службовыя асобы гэтых прадпрыемстваў таксама падпадаюць пад санкцыі», — зазначаецца ў прэс-рэлізе.
Тыя, што трапілі ў санкцыйныя спісы, адказныя «за сур'ёзныя парушэнні правоў чалавека». Некаторыя з тых, хто трапіў пад санкцыі пасля «выбараў» у Беларусі, маюць наўпроставыя сувязі з асобамі, якія ўжо зазналі санкцыі за ўдзел у парушэннях правоў чалавека, гаворыцца ў паведамленні ведамства.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
