СМІ: Санкцыі балюча ўдарылі па найважнейшым для Пуціна

Крэмль будзе вымушаны пачаць зачыняць нафтавыя свідравіны.

Развітальныя санкцыі, якія ўвяла супраць расейскага нафтавага сектара адміністрацыя экс-прэзідэнта ЗША Джо Байдэна, прыкметна паўплывалі на аб'ёмы экспарту расейскіх энэргарэсурсаў. Такім чынам, калі Украіна працягне атакі на нафтаперапрацоўчыя заводы (НПЗ) РФ, у Крамлі будуць вымушаныя пачаць зачыняць нафтавыя свідравіны.

Пра гэта гавораць звесткі сэрвісу Russia Fossil Tracker. Згодна з трэкерам, пасля 10 студзеня, калі Белы дом абвясціў аб новых санкцыях супраць РФ, прыкметна ўпалі паказчыкі продажу за мяжу расейскіх газу (уключаючы звадкаваны прыродны газ, ЗПГ), нафты і нафтапрадуктаў.

«Экспарт энэрганосьбітаў застаецца галоўнай крыніцай фінансавання незаконнага ўварвання Пуціна ва Украіну. Цяпер – добры час, каб знішчыць больш нафтаперапрацоўчых заводаў і дадаць санкцыі», – адзначае OSINT-даследчык Мортэн Бёрн.

Ён адзначыў, што прыпыненне Разанскага НПЗ пасля двух нападаў украінскіх БПЛА прывядзе да падзення нафтаперапрацоўчых магутнасцяў краіны-агрэсаркі адразу на 5%. Але паколькі звесткі на графіцы адлюстроўваюцца з двухтыднёвай затрымкай, усе змены стануць прыкметныя толькі праз 14 дзён. Паколькі ў Расеі няма фізічнай магчымасці экспартаваць больш неачышчанай нафты-сыравіны, гэта можа прывесці да закрыцця нафтавых свідравін, мяркуе Бёрн.

Акрамя таго, ёсць пэўнае падзенне ў экспарце расейскага газу ў сувязі са спыненнем яго транзіту праз украінскую тэрыторыю. Разам з гэтым без газу засталося і непрызнанае Прыднястроўе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com