Reuters: Кітай і Індыя спынілі закупкі расейскай нафты

"Страшны сон" Масквы надышоў.

Расейская эканоміка, значная частка якой залежыць ад экспарту нафты, сутыкнулася з новымі праблемамі. Кітай і Індыя, найбуйнейшыя пакупнікі расейскай нафты, спынілі яе закупкі на фоне ўведзеных ЗША санкцый.

Гэтыя меры нанеслі балючы ўдар па нафтавай галіне Расеі, абвастрыўшы крызіс, якому Масква пакуль не змагла даць рады, паведамляе Reuters.

Удар па Расеі

10 студзеня Вашынгтон увёў санкцыі, накіраваныя на расейскі ланцужок паставак нафты, што выклікала рэзкі рост кошту фрахту танкераў, якія не патрапілі пад абмежаванні. Гэта прывяло да стагнацыі гандлю сакавіцкімі пастаўкамі расейскай нафты ў Азіі.

Са звестак аналітыкаў, на танкеры, якія падпадаюць пад санкцыі, прыпадае амаль 42% марскога экспарту нафты Расеі.

У Кітаі, дзе раней расейская нафта ESPO карысталася высокім попытам, пакупнікі сутыкнуліся з рэзкім ростам коштаў. Кошт дастаўкі барэля нафты з порта Казьміна вырас на $3-5 у параўнанні з папярэднімі пастаўкамі. Гэтыя грошы выпадаюць з расейскага прыбытку, змяншаючы прыбыткі Масквы.

У той самы час у Індыі Bharat Petroleum паведаміла, што не атрымала новых прапаноў на пастаўку расейскай нафты ў сакавіку, а аб'ёмы прапаноў для краіны прыкметна скараціліся.

Наступствы для рынку

Са звестак аналітычнай кампаніі Kpler, аб'ёмы імпарту расейскай нафты ў Кітай і Індыю значна знізіліся.

Кітайскія незалежныя нафтаперапрацоўчыя заводы ў правінцыі Шаньдун пачалі скарачаць перапрацоўку на 400 тысяч барэляў за дзень, бо пошук альтэрнатыўнай сыравіны стаў даражэйшым.

У Індыі перабоі ў пастаўках ацэньваюцца на 450 тысяч барэляў за дзень. Краіны шукаюць альтэрнатыўныя крыніцы нафты ў Сярэднім Усходзе, Афрыцы і ЗША.

Доўгатэрміновы эфект санкцый

Новыя санкцыі, паводле звестак экспэртаў, сталі самымі сур'ёзнымі за ўсю гісторыю абмежавальных захадаў супраць Расеі.

Праблемы з фрахтам танкераў, цяжкасці з аплатай паставак і высокія выдаткі на дастаўку расейскай нафты вымушаюць Кітай і Індыю пераглядаць свае стратэгіі закупак.

У той час як індыйскія і кітайскія парты паступова разгружаюць раней дастаўленыя партыі нафты, новыя закупкі практычна спыненыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com