Налёт дронаў на Пецярбург: Аэрапорт «Пулкава» зачынілі другі раз за дзень

Рэйсы часова не прымаюцца і не выпраўляюцца.

У аэрапорце Пулкава (Санкт-Пецярбург, РФ) раніцай у суботу, 4 студзеня, увялі абмежаванні на палёты самалётаў. План «Дыван» у гэтай паветранай гавані ўводзяць ужо другі раз з пачатку дня.

Пра гэта паведамляе Astra і іншыя расейскія Telegram-каналы.

Першы раз у аэрапорце Пулкава пасля паўночы таксама не дазвалялі самалётам здзейсніць пасадку і вылет.

Расейскія медыя заяўлялі, што тады абмежаванні ўводзілі «ў мэтах бяспекі».

Пры гэтым пазней губернатар Ленінградскай вобласці расказаў, што ў рэгіёне сродкамі СПА нібыта быў збіты адзін беспілотнік.

Цяпер раніцай у Расавіяцыі расказалі, што рэйсы часова не прымаюцца і не выпраўляюцца «для гарантавання бяспекі».

«Для гарантавання бяспекі палётаў цывільных паветраных караблёў сёння з 07:45 МСК на працу пецярбургскага аэрапорта Пулкава ўведзеныя часовыя абмежаванні. Паветраная гавань часова не прымае і не выпраўляе авіярэйсы. Экіпажы ПС, авіядыспетчары і службы аэрапорта ўжываюць усе неабходныя захады для гарантавання бяспекі палётаў – гэта прыярытэт», – гаворыцца ў заяве ўстановы.

Як піша Telegram-канал Shot, раніцай у піцерскім аэрапорце другі раз за дзень увялі план «Дыван». Пры гэтым цяпер 6 бартоў, якія ішлі на пасадку, знаходзяцца ў зоне чакання ў раёне Ладажскага возера.

Паводле папярэдніх звестак, у «Пулкаве» абмежавалі працу праз пагрозу нападу з ужываннем беспілотнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com