У Вільні пройдзе шэсце Трох Каралёў

А на Кафедральнай плошчы адбудзецца святочны канцэрт.

У панядзелак з нагоды заканчэння калядных свят у Вільні пройдзе традыцыйнае свята "Трох Каралёў". Падчас мерапрыемства ў сталіцы пройдзе шэсце трохметровых фігур каралёў, а на Кафедральнай плошчы адбудзецца святочны канцэрт, піша Delfi.

На гэтым тыдні са сталічнай Кафедральнай плошчы таксама павінна быць прыбраная Калядная ялінка, агні на якой былі ўрачыста запалены 29 лістапада.

Мерапрыемства пачнецца а 16 гадзіне каля Брамы Зары (Aušros vartai). Урачыстае шэсце Трох Каралёў у суправаджэнні вялікай світы пройдзе па вуліцах Старога горада да Кафедральнага пляца. Трохметровыя фігуры каралёў Мельхіёра, Каспара і Бальтазара будуць раздаваць у горадзе сімвалічныя дары каляднай радасці. Калі працэсія дойдзе да Кафедральнага пляца, а 16.30 каля каляднай батлейкі адбудзецца канцэрт віленскага хору сакральнай музыкі Adoramus.

Калі працэсія дойдзе да Кафедральнага пляца, а 16.30 каля каляднага батлейкі адбудзецца канцэрт віленскага хору сакральнай музыкі Adoramus.

Гэта свята звязанае з дарэннем немаўляці Езусу трох каралёў. У гэты дзень у памяць аб пакланенні трох каралёў у каталіцкіх храмах праводзяць месы падзякі. У літоўскай традыцыі гэты дзень звязаны з заканчэннем свята вяртання Сонца і павелічэннем светлавога дня "на пеўневы крок".

Віленцаў і гасцей горада запрашаюць узяць удзел ва ўрачыстым шэсці і разам адзначыць гэтае свята.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com