На каралеўскім гербе Даніі змянілі сімвал Грэнландыі

Фотафакт.

Кароль Даніі Фрэдэрык, які знаходзіцца на троне менш за год, змяніў каралеўскі герб, каб на ім быў прыкметным сімвал Грэнландыі – што, верагодна, звязана з намерамі Дональда Трампа яе набыць.

Пра гэта гаворыцца ў публікацыі The Guardian.

Цягам 500 гадоў на папярэдніх дацкіх каралеўскіх гербах былі намаляваныя тры кароны – сімвал Кальмарскай уніі паміж Даніяй, Нарвегіяй і Швэцыяй цягам 1397–1523 гадоў.

У абноўленай версіі кароны былі прыбраныя і замененыя на больш прыкметных белага мядзведзя і барана, якія сімвалізуюць Грэнландыю і Фарэрскія астравы адпаведна.

Каралеўскі дом Даніі заявіў, што герб, які выкарыстоўваецца на афіцыйных дакументах і пячатках і элементы якога датуюцца XII стагоддзем, «умацоўвае аўтарытэт судружнасці». А тры кароны былі канфіскаваныя, «паколькі яны больш не з'яўляюцца актуальнымі».

Гэты крок зроблены падчас узмацнення напружанасці вакол Грэнландыі і яе стасункаў з Даніяй, якая прадаўжае кантраляваць яе знешнюю палітыку і палітыку бяспекі.

Сярод іншага, пасля абрання прэзідэнтам ЗША Дональд Трамп аднавіў заклікі набыць Грэнландыю, якія гучалі падчас ягонага першага тэрміну.

А ўлады самой Грэнландыі ўзмацнілі кампанію за незалежнасць ад Даніі, выказваючы незадаволенасць абмежаваннямі, якія на яе накладвае фактычнае знаходжанне ў складзе каралеўства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com