Байдэн уручыў Клінтан, Мэсі і іншым Прэзідэнцкі медаль

Адной з найвышэйшых узнагародаў у ЗША ўганараваныя ў агульнай колькасці 19 чалавек.

Прэзідэнт ЗША Джо Байдэн абраў 19 чалавек для ўручэння адной з найвышэйшых узнагародаў краіны – Прэзідэнцкага медаля Свабоды, паведаміла прэс-служба Белага дому ў суботу, 4 студзеня. «Гэтыя 19 чалавек – вялікія лідары, якія зрабілі Амерыку і свет лепшым», – гаворыцца ў паведамленні. Цырымонія ўзнагароджання адбылася ў той самы дзень.

Сярод узнагароджаных – музыка Бона, экс-дзяржсакратар ЗША Хілары Клінтан, актор Майкл Джэй Фокс, баскетбаліст Ірвін «Мэджык» Джонсан, мадэльер Ральф Ларэн, футбаліст Ліянэль Мэсі, мільярдэр Джордж Сорас, актор Дэнзэл Вашынгтон і галоўная рэдактарка амерыканскага выдання часопіса Vogue Ганна Вінтур.

Чатыром з 19 лаўрэатаў Прэзідэнцкі медаль Свабоды прысуджаны пасмяротна. Гэта міністр абароны ў адміністрацыі Барака Абамы Эштан Картэр, які памёр у 2022 годзе, грамадзянская актывістка Фані Лу Хеймер, якая памерла ў 1979 годзе, міністр жыллёвага будаўніцтва ў адміністрацыі Рычарда Ніксана Джордж Ромні, які памёр у 1973 годзе, і былы генеральны пракурор Роберт Кенэдзі, забіты ў 1968 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com