У Францыі памёр ультраправы палітык Жан-Мары Ле Пэн

Заснавальніку правай партыі "Нацыянальны фронт" было 96 гадоў.

У Францыі памёр заснавальнік і шматгадовы кіраўнік правапапулісцкай партыі "Нацыянальны фронт" (цяпер - "Нацыянальнае аб'яднанне") Жан-Мары Ле Пэн. Ён памёр ва ўзросце 96 гадоў у сямейным коле, паведамляе ў аўторак, 7 студзеня, DW са спасылкай на сваякоў палітыка.

Некалькі тыдняў таму бацька цяперашняй лідаркі французскіх правых папулістаў Марын Ле Пэн пераехаў у дом састарэлых у прыгарадзе Парыжа Гаршэ.

Ле Пэн быў выключаны з партыі ў 2015 годзе

Жан-Мары Ле Пэн заснаваў партыю "Нацыянальны фронт" у 1972 годзе і ўзначальваў яе да 2011 года, пасля чаго перадаў кіраўніцтва сваёй дачцэ Марын Ле Пэн. У 2015 годзе на патрабаванне Марын Ле Пэн ён быў выключаны з партыі пасля шматлікіх абвінавачанняў у расізме і антысемітызме. У 2018 годзе "Нацыянальны фронт" быў перайменаваны ў "Нацыянальнае аб'яднанне".

Адзін з найбуйных палітычных поспехаў Ле Пэна - выхад у другі тур прэзідэнцкіх выбараў у 2002 годзе, у якім ён саступіў кансерватару Жаку Шыраку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com