Сербія разарвала частку абаронных кантрактаў з Расеяй

Праз санкцыі.

Сербскія ўлады разарвалі частку кантрактаў у сферы вайсковага супрацоўніцтва з Расеяй, яшчэ частку адклалі на нявызначаны час. Пра гэта заявіў кіраўнік Генштаба Сербіі генерал Мілан Майсіловіч у інтэрв'ю парталу «Вячэрнія навіны».

Паводле ягоных словаў, нават пасля накладання санкцый на Расею Бялград знайшоў спосаб забяспечыць устойлівыя і гнуткія пастаўкі расейскага ўзбраення дзякуючы ліцэнзаванай ягонай вытворчасці ў іншых краінах. Ён адзначыў, што сербскае войска сёння можа арганізаваць высокага ўзроўню тэхабслугоўванне, аднаўленне запчастак для значнай часткі гэтага ўзбраення.

«Што да [новых] паставак зброі з Расейскай Федэрацыі, то на цяперашні момант гэта практычна немагчыма. Мы спрабуем знайсці спосаб пераадолення новастворанай сітуацыі дыпламатычным шляхам. Мы скасавалі некаторыя пагадненні і адклалі іншыя ў надзеі, што сітуацыя ў міжнародных стасунках на глабальным узроўні нармалізуецца і дазволіць рэалізаваць пагадненні», – адзначыў генерал.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com