Зяленскі расказаў пра «найбольшую перамогу за ўвесь час вайны»

Расея страціла амаль 60 000 вайскоўцаў з украінскага фронту.

Курская аперацыя УСУ стала адной з галоўных перамог Украіны з пачатку поўнамаштабнай вайны. Пра гэта заявіў прэзідэнт Украіны Уладзімір Зяленскі сёння, 9 студзеня, падчас выступу на пасяджэнні ў фармаце «Рамштайн», інфармуе FREEДОМ.

«Возьмем, напрыклад, Курскую аперацыю – гэта адна з нашых перамог, я думаю, адна з найбуйнейшых перамог не толькі мінулага года, але і за ўвесь час вайны. Расеі давялося зняць амаль 60000 вайскоўцаў з украінскага фронту», – падкрэсліў прэзідэнт.

Ён нагадаў, што ў гэты панядзелак, 6 студзеня, прайшло пяць месяцаў, як украінскія войскі трымаюць буферную зону на расейскай тэрыторыі.

«Многія расейскія пагрозы і смелыя заявы аказаліся блефам – асабліва пасля таго, як украінцы ўвайшлі ў Курскую вобласць. І я ўпэўнены, што яшчэ больш іх пагрозаў будзе блефам, калі мы ўсе разам будзем яшчэ больш настойліва працаваць над тым, каб падштурхнуць Расею да міру», – акцэнтаваў Зяленскі, звяртаючыся да ўдзельнікаў «Рамштайна».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com