Беларусам прапануюць набыць спіртагарэлачны завод

Яго распрадаюць часткамі.

Мноства лотаў у продажы абсталявання Мазырскага спіртагарэлачнага завода заўважыла выданне «Флагшток» на электроннай гандлёвай пляцоўцы. У асноўным гэта ўстаноўкі, ёмістасці і іншае абсталяванне, а найбольш буйныя лоты – будынкі ў Мазырскім раёне побач з МНПЗ. Гэта, сярод іншага, адміністрацыйна-побытавы будынак і інжынерны корпус.

У цэлым за комплекс будынкаў хочуць атрымаць больш за 1 млн рублёў (больш за 300 тысячаў даляраў). Абодва будынкі мяркуючы з фатаграфіяў яшчэ нядаўна выкарыстоўваліся.

Пабудовы маюць плошчу больш за 4 тысячы квадратных метраў. Патэнцыйнаму пакупніку прапануецца выкарыстоўваць іх «для будаўніцтва і абслугоўвання».

Памер усёй рэалізаванай маёмасці налічвае некалькі мільёнаў рублёў. Завод распрадае цэхі, трубаправоды, цыстэрны, тысячы адзінак шклотары, ачышчальныя збудаванні і нават пажарную частку.

У інфармацыі пра лоты ўказана, што прадпрыемства-прадавец знаходзіцца ў статусе банкруцтва. Сайт прадпрыемства даступны і прапануе разнастайную прадукцыю: ад моцных алкагольных напояў да антысептыку. Хоць мяркуючы з распродажу аб'ектаў, ад інфраструктуры завода амаль нічога не засталося і для вытворчасці захаваныя толькі невялікія памяшканні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com