У Менску знайшлі прадукт коштам амаль 40 тысяч рублёў за кг

Дарагоўля мае сваё тлумачэнне.

Спецыю, кошт якой дасягае амаль 40 тысяч рублёў за кілаграм, выявіла ў адной са сталічных крам выданне Myfin.by.

Песцікі шафрану з Гішпаніі прадаюцца ва ўпакоўцы па 1, 2 і 4 грамы. Кошт самай «лёгкай» скрыначкі ацэньваецца на 39,99 рубля (кошт за кг - 39990 рублёў), за два грамы просяць 54,99 рубля (кошт за кг выходзіць 27495 рублёў), за чатыры грамы - 99,99 рублёў (або 24997 рублёў).

Дарагоўля песцікаў шафрану тлумачыцца цяжкім працэсам збору. Для вытворчасці аднаго кілаграма патрабуецца амаль 170 тысяч кветак. Іх збіраюць уручную досвіткам у кастрычніку і лістападзе, пасля чаго высушваюць. Змяненні клімату не ідуць на карысць гэтай спецыі, таму цэннік чырвонай заправы павышаецца рэгулярна.

У гэтай жа краме журналісты знайшлі чорны зімовы труфель у слоічку вагой 10 г. Адзін кілаграм прадукту каштавацьме 11 999 рублёў.

Летні нарэзаны труфель у аліўкавым алеі крыху больш даступны — за 1 кг усяго 1 599,80 рубля. Самы танны крэм з баравікоў з белым труфелем: 1 кг - 624,88 рубля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com