У Беларусі пачалі афіцыйна прадаваць кітайскія аўтамабілі Avatr

Стала вядома, колькі яны каштуюць.

На гэтым тыдні ў вёсцы Цна пад Менскам адкрыўся першы афіцыйны дылерскі цэнтр прэміяльнай кітайскай маркі Avatr. Да гэтага часу гэты брэнд увозілі ў краіну паводле паралельнага імпарту.

Як піша av.by, у новым аўтацэнтры прадстаўленыя некалькі мадэляў.

Avatr 11 цалкам электрычны красовер і пакуль адзіны ў лінейцы русіфікаваны і з дададзеным адмыслова для нашага рынку цёплым пакетам у выглядзе падагрэву руля, сядзенняў і лабавога шкла. Кошт пытання – ад 197 тыс. рублёў (больш за $62 тыс.).

Ліфтбэк бізнэс-класу Avatr 12 даступны ў двух гібрыдных і чатырох электрычных варыянтах і каштуе ад 166 тыс. рублёў (крыху менш за $53 тыс.).

Сярэднепамерны красовер Avatr 07 прапануюць як з тэхналогіяй паслядоўнага гібрыда, так і ў цалкам электрычным выкананні. Тут кошт пачынаецца ад 143,5 тыс. рублёў ($45,7 тыс.).

На ўсе мадэлі будзе дзейнічаць гарантыя 120 тысячаў км ці пяць гадоў (што наступіць раней). Аднак абслугоўванне батарэй CATL у аўтамабілях маюць права вырабляць толькі супрацоўнікі самай фірмы. Пакуль у Беларусі такіх адмыслоўцаў няма. Найбліжэйшы цэнтр з кваліфікаваным персаналам знаходзіцца ў Маскве.

Упершыню мадэлі брэнду з'явіліся ў Беларусі на пачатку 2025 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com