Расейскую бранятанкавую калону разбілі пад Тарэцкам
4- 13.04.2025, 13:44
- 5,528
Акупанты пайшлі на штурм пазіцый УСУ ў лоб і страцілі ўсё.
Расея зноў паспрабавала ўзяць Тарэцк у лоб, і зноў атрымала агнявы разгром. Бранятанкавая калона, кінутая на прарыў украінскай абароны, была знішчаная зладжанымі дзеяннямі 28-й механізаванай і 1004-й брыгад. Украінская выведка, артылерыя і дроны ператварылі тэхніку і пяхоту акупантаў у абломкі і варонкі.
Відэа знішчэння ворага апублікавала прэс-служба брыгады ў сацсетках.
Вораг пайшоў на штурм і страціў усё
У раёне Тарэцка ўкраінскія байцы 28-й механізаванай брыгады супольна з мотапяхотным батальёнам 1004-й брыгады аховы і абслугоўвання адбілі спробу штурму з боку расейскіх войск.
Акупанты атакавалі калонай бронетэхнікі, разлічваючы на фактар раптоўнасці і спрыяльныя ўмовы надвор'я.
Але былі загадзя выяўленыя аэравыведкай, пасля чаго па іх ударылі артылерыя і дроны. Дакладнымі ўдарамі вайскоўцы прабілі абарону адной з бронемашын, прымусіўшы дэсант разбягацца па лесапалосах. Затым машыну канчаткова падпалілі. Астатняя тэхніка пачала адыход, атрымліваючы ўдар за ўдарам.
Дроны і пяхота дабілі ворага
Па варожай бронетэхніцы і пяхоце працавалі аператары падраздзяленняў ББПС «Спалах» і Kurt&Company, а таксама байцы ўкраінскай пяхоты з падтрымкай FPV-дронаў і дронаў-бамбавальнікаў.
Пяхота, якая спрабавала схавацца ў пасадках, была знішчаная дакладнымі ўдарамі з паветра і зямлі. Геалакацыя атакі пацверджаная па кадрах з месца: бой адбыўся на паўночных ускраінах Тарэцка, у раёне пасёлка Дружба.
Тарэцк – гарачае месца на мапе вайны
Баі за Тарэцк доўжацца з канца жніўня 2024 года. Расейскія войскі змаглі рушыць наперад у частку горада, але урбаністычная забудова і шчыльная праца ўкраінскіх беспілотнікаў робяць немагчымым масаваны штурм.
Акупанты пранікаюць дробнымі групамі, пазбягаючы наўпроставых нападаў калонамі, як выявілася, не здарма. Раней у студзені - лютым 2025 года сілы 28-й брыгады і штурмавой брыгады «Люць» правялі аперацыю па ўклінаванні ў цэнтр горада з паўночных і заходніх ускраін. Ім удалося зачысціць раён шахты «Тарэцк» і ўзяць пад кантроль важную вышыню - прылеглы тэрыкон.
Спроба штурму сіламі бранятанкавай калоны зноў правалілася. Украіна працягвае ўтрымліваць і контратакаваць на ключавых кірунках, захоўваючы кантроль над важнымі пазіцыямі, і наносіць акупантам цяжкія страты.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
