У Гомелі самотны мужчына надумаў завесці сабе сябра і папросту яго скраў

Што было далей?

У Гомелі мужчына надумаў завесці сабе сябра і скраў хаскі, свой учынак ён патлумачыў самотай. Але суд яго гісторыя не расчуліла. Падрабязнасці парталу "Белка" распавялі ў пракуратуры Гомеля.

Інцыдэнт адбыўся снежаньскай раніцай на Сельмашы. Мясцовы жыхар ішоў па вуліцы і звярнуў увагу на хаскі, прывязанага ля ганка буйнога гандлёвага цэнтра. Праз паўгадзіны, вяртаючыся назад па тым жа маршруце, зноў убачыў гадаванца і надумаў забраць яго сабе.

Не паспеў гамяльчук прывесці новага сябра дадому і накарміць, як на парозе з'явіліся праваахоўнікі.

Гаспадыня зніклага сабакі звярнулася ў міліцыю, і супрацоўнікі аператыўна выявілі злодзея праз камеры відэаназірання.

Мужчына віну прызнаў. Паводле ягоных слоў, ён збіраўся пакінуць сабаку сабе ў якасці свойскагв гадаванца, бо сяброў і сваякоў у яго няма, з-за чаго яму вельмі самотна.

- Улічваючы, што абвінавачаны ўжо быў судзімы сем разоў, а апошняя судзімасць не знятая і не адбытая, суд Чыгуначнага раёна прызначыў яму пакаранне ў выглядзе трох месяцаў арышту з прымусовым лячэннем ад хранічнага алкагалізму і наркаманіі, - распавяла, чым скончылася гэтая гісторыя, намесніца пракурора Гомеля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com