У Шуі палае база 112-й брыгады УС РФ, якая мае дачыненне да ўдараў па Сумах

Спадарожнікі NASA пацвярджаюць.

Сёння, 16 красавіка, расейскі горад Шуя ў Іванаўскай вобласці адчуў на сабе адказ за расейскі ўдар па горадзе Сумы. Былі масавана атакаваныя казармы 112-й ракетнай брыгады УС РФ.

Наймацнейшыя пажары на аб'екце пацвярджаюць спадарожнікі NASA, паведамляе Dialog.UA.

Паводле звестак ваеннай выведкі Украіны, 112-я брыгада ўдзельнічала ў балістычным удары па горадзе Сумы 13 красавіка. Гэтая атака забрала жыцці 35 цывільных людзей, у тым ліку дзяцей. Больш за 100 жыхароў атрымалі раненні.

Праз тры дні брыгада УС РФ атрымала жорсткі адказ за гэтае ваеннае злачынства. Ваенная база ў Шуі зазнала масаваны налёт ударных дронаў проста сярод белага дня. Перахапіць БПЛА расейцы не змаглі, ваенны аб'ект вельмі сур'ёзна пашкоджаны. Гэта пацвярджаюць як кадры з месца, так і звесткі спадарожнікаў NASA, якія фіксуюць наймацнейшыя пажары на месцы воінскай часці №03333.

Страты УС РФ у жывой сіле пры гэтых ударах удакладняюцца. Масква захоўвае маўчанне.

Характэрна, што напярэдадні Сілы абароны Украіны паспяхова падбілі пункт сталай дыслакацыі ў Курскай вобласці яшчэ адной 448-й ракетнай брыгады УС РФ. Яна таксама ўдзельнічала ва ўдары па Сумах. Z-каналы скардзіліся, што такіх стратаў гэтае падраздзяленне яшчэ не несла, як пры гэтым удары. Аднак дакладныя лікі пакуль не называюцца.

Паводле звестак украінскага боку, удар па Сумах 13 красавіка быў нанесены двума расейскімі падраздзяленнямі з розных месцаў. Дзве ракеты «Іскандэр» прыляцелі па цэлі цягам 2 хвілінаў, параніўшы аскепкамі велізарную колькасць людзей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com