У Расеі засакрэцілі суд з удзелам беларускага прадпрыемства
5- 21.04.2025, 16:02
- 5,380
Яно пастаўляе ў РФ вайсковую оптыку.
Беларускае прадпрыемства "Пеленг", якое пастаўляе Расеі вайсковую оптыку, патрабуе праз суд больш за 3 млн рублёў ад расейскага вытворцы электронікі. Апошні ў сваю чаргу таксама працуе з Узброенымі сіламі РФ, піша "Зеркало".
Суды на 3 млн рублёў
У Арбітражным судзе Растоўскай вобласці разглядаюць адразу тры пазовы ад беларускага прадпрыемства "Пеленг" да расейскага навукова-вытворчага комплексу "Бартавыя інтэлектуальныя сістэмы". Усе яны былі пададзеныя ў студзені гэтага года, вынікае са звестак расейскага сайта "Электроннае правасуддзе".
Увогуле беларускі завод спрабуе спагнаць суму, эквівалентную крыху больш за 3 млн рублёў (паводле курсу Нацбанка Беларусі на 21 красавіка). У двух выпадках - гэта запазычанасць у дамовах, укладзеных у студзені і жніўні 2022 года, і яшчэ ў адным - за 2019-ы.
Пакуль суд паспеў разгледзець толькі адну справу з трох, аднак рабілася гэта ў закрытым працэсе, таму пастановы не агучылі.
Чым займаюцца прадпрыемствы
Завод "Бартавыя інтэлектуальныя сістэмы" вырабляе радыёэлектронную апаратуру, а таксама электронныя друкаваныя платы. Ён працуе з Узброенымі сіламі РФ.
Гэтая кампанія таксама ўдзельнічала разам з іншым у расейскім тэхналагічным конкурсе ў галіне стварэння беспілотных транспартных сродкаў.
Сам "Пеленг" супрацоўнічае з расейскім вайскова-прамысловым комплексам. Ён адпраўляе ў РФ прыцэлы для танкаў, баявых машын, супрацьтанкавых комплексаў і сістэм СПА, аўтаматаў, мінамётаў, гранатамётаў.
Нагадаем, прадпрыемства "Пеленг" на 48,9% належыць дзяржаве. Праз расейскую агрэсію супраць Украіны "Пеленг" знаходзіцца пад санкцыямі Еўразвязу, ЗША, Вялікабрытаніі і Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
