Абмежаванні на наведванне лясоў уведзеныя амаль ва ўсіх раёнах Беларусі

У краіне ўстанавілася незвычайна цёплае надвор'е.

У Беларусі ўстанавілася незвычайна цёплае надвор'е, пры гэтым колькасць ападкаў мінімальная, што стварае пажаранебяспечнае становішча ў лясных масівах.

Толькі адзін раён у Беларусі не абцяжараны абмежаваннямі і забаронамі на наведванне лясоў, вынікае з інтэрактыўнай карты Мінлясгаса на сайце ведамства. Гэтым раёнам з'яўляецца Лунінецкі ў Берасцейскай вобласці.

Таксама на карце прысутнічае адзін раён, пазначаны чырвоным колерам - Хойніцкі на Гомельшчыне, што кажа аб забароне паходаў у лес.

Усе астатнія раёны шасці абласцей краіны - "жоўтыя", а значыць, у лес хадзіць можна, але з шэрагам абмежаванняў.

Пры ўвядзенні абмежаванняў у лес заходзіць можна, аднак забаронена ўязджаць у яго на аўтамабілі. Таксама нельга разводзіць вогнішчы і праводзіць масавыя мерапрыемствы - напрыклад, турыстычныя злёты і калектыўныя выезды з намётамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com