ISW: Пуцін хоча прадаўжэння вайны

Крэмль пазбягае часавых рамак для спынення вайны.

Расейскі дыктатар Уладзімір Пуцін увесь час адмаўляецца ад прапанаванага Украінай і ЗША ўсеагульнага спынення агню, а Крэмль пазбягае ўвядзення часавых рамак для спынення вайны.

Як паведамляе Інстытут вывучэння вайны (ISW), усё гэта падкрэслівае незацікаўленасць Пуціна ў спыненні вайны шляхам мірных перамоў у найбліжэйшай перспектыве.

«Сталая адмова Пуціна ад прапаноў ЗША і Украіны аб спыненні агню супярэчыць заяўленаму падыходу (прэзідэнта ЗША - заўв.) Трампа, які прадугледжвае спачатку ўстанаўленне спынення агню, а затым вядзенне перамоў аб больш шырокай мірнай дамове, а таксама мэты Трампа па дасягненні працяглага міру ва Украіне», - гаворыцца ў справаздачы ISW.

20 красавіка прэзідэнт Украіны Уладзімір Зяленскі пацвердзіў гатоўнасць Украіны пагадзіцца на поўнае і безумоўнае спыненне агню мінімум на 30 дзён. Пуцін адхіліў гэтую прапанову 21 красавіка, сцвярджаючы, што Украіна спрабуе «перахапіць ініцыятыву і казаць аб пашырэнні» замірэння. Са слоў дыктатара, Расеі трэба будзе «ўважліва ўсё ацаніць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com