Занадта разумны па-за законам

Міністэрства адукацыі патлумачыла, навошта ўзялося за рэпетытараў.

Калі вам здаецца, што дзяржава надумала знішчыць нейкую галіну, вам не здаецца. Напрыклад, яна ўжо і не хавае імкненне ўсталяваць манаполію на адукацыйныя паслугі. Грамадскае абмеркаванне праекта пастановы ўрада "Аб парадку ажыццяўлення самастойнай прафесійнай дзейнасці ў навучанні" закончанае. Усе прэтэнзіі да дакумента Міністэрства адукацыі адмаўляе - маўляў, проста не разабраліся. Сутнасць для няўцямных растлумачыла дырэктар Дэпартамента кантролю якасці адукацыі Мінадукацыі Вольга Рыбаключава, піша planbmedia.io.

Занадта разумны па-за законам

Згодна з праектам дакумента рэпетытар павінен пераканацца, што ягоны вучань залічаны ў дзіцячы садок, школу, каледж або ўніверсітэт. Навошта, і што пагражае рэпетытару, калі высветліцца, што навучэнец дзіцячага садка не з'яўляецца такім?

«У грамадстве існуе меркаванне: рэпетытар - той чалавек, які прапануе веды звыш школьнай праграмы або вядзе навучанне паводле ўласных адукацыйных распрацовак. Але такое перакананне супярэчыць беларускаму заканадаўству», - заяўляе чыноўніца.

«Рэпетытарства — гэта кансультацыйныя (!) паслугі ў асобных навучальных прадметах, дысцыплінах, адукацыйных галінах. Значыць, рэпетытар, напрыклад у матэматыцы, толькі ліквідуе прабелы ў ведах дзіцяці або тлумачыць незразумелыя яму моманты, грунтуючыся выключна на праграме, якую вучань асвойвае ў сваёй навучальнай установе», - запэўнівае яна.

Можна прапанаваць Міністэрству адукацыі ўскласці кантроль на школьных настаўнікаў. І калі нечыя веды раптам маюць нахабства выйсці за межы школьнай праграмы - караць бязлітасна.

А калі нейкага прадмета ў вас у праграме няма, рэпетытар вам увогуле супрацьпаказаны. “Гэта ўжо не кансультацыйныя, а адукацыйныя паслугі. Больш за тое, зараз пад прыкрыццём рэпетытарства людзі наўмысна выконваюць зусім іншы від дзейнасці. Дзяцей рыхтуюць паводле праграм, якія не адпавядаюць школьным. Таму ўдакладненне звестак пра навучэнца, на наш погляд, абгрунтаванае, калі чалавек хоча працаваць у прававым ключы».

Ці можна, напрыклад, школьную праграму апярэдзіць, у Міністэрстве адукацыі не ўдакладнілі. Так што на ўсялякі выпадак не варта. Раптам гэта таксама не ў прававым ключы.

Адзін на адзін з рэпетытарам

Узніклі пытанні і да патрабавання Міністэрства адукацыі аб тым, што рэпетытар можа займацца толькі індывідуальна.

«Заўважце, мы зноў адыходзім ад сапраўднага прызначэння рэпетытарства. Гэта кансультатыўныя паслугі, што прадугледжвае ўлік індывідуальных патрэб кожнага вучня. Напрыклад, возьмем тэму дробаў: адзін вучань можа разумець, як складаць дробы, але не разумець, як дзяліць, іншы - наадварот. Таму мы так баронім індывідуальныя заняткі», - намагае Рыбаключава. Што за бяда, калі адзін вучань лішні раз паўторыць тое, што ён, здаецца, і так зразумеў, не ўдакладняецца.

Зрэшты, Міністэрства адукацыі, магчыма, гатовае пасунуцца. Напрыклад, не прымушаць наймаць двух рэпетытараў блізнятам. «Мы старанна прапрацоўваем кожны нюанс: разглядаем прыватныя сітуацыі, скажам, рэпетытарскія заняткі з блізнятамі», — заявіла чыноўніца. І на тым дзякуй.

«Не варта прыкрывацца самазанятасцю, рэалізоўваючы тым часам адукацыйныя праграмы, якія часам нават патрабуюць ліцэнзавання. Ёсць прыклады, калі нам заяўляюць, што займаюцца рэпетытарствам з дашкольнікамі, а фактычна функцыянуе звычайны дзіцячы садок. Хоча чалавек працаваць з групамі і атрымліваць больш істотны прыбытак - хай рэгіструе юрыдычную асобу», - удакладніла яна.

Вырасцеш - праспяваеш

Навучанне пазашкольным прадметам, накшталт малявання, спеваў ці працы на кампутары прапануюць дазволіць толькі для паўналетніх вучняў. Гэта, прызнаюць у Міністэрстве адукацыі, выклікала найбольш абурэння. Тут паслабленняў не прадбачыцца: вучыць спяваць непаўналетняга можна толькі зарэгістраваўшыся ў якасці «юрыдычнай асобы, установы адукацыі ці іншай арганізацыі».

Незадаволеных Міністэрства адукацыі кліча «бясплатна наведваць цэнтры дадатковай адукацыі». Або юрыдычныя асобы, пра якіх дзяржава дбае, «каб дзеці не вучыліся танцам у сутарэннях, а займаліся ва ўтульных залах пад кіраўніцтвам педагогаў з адпаведнай адукацыяй».

А вось забарона навучання праз Zoom, Google Meet, Skype, Discord і іншыя сэрвісы асаблівай незадаволенасці не выклікала, запэўніваюць у Міністэрстве абароны. Аб скасаванні гэтай нормы прасілі крыху больш за 15 адсоткаў асоб, якія прынялі ўдзел у грамадскім абмеркаванні.

Зрэшты, агучыць спіс канкрэтных айчынных месэнджэраў і сацыяльных сетак, якімі можна карыстацца, прадстаўніца Міністэрства адукацыі не змагла.

«Некалькі варыянтаў зарэгістраванага ў нашай краіне праграмнага забеспячэння, заснаванага на хмарнай тэхналогіі, ужо зараз паспяхова прымяняецца ў дзейнасці юрыдычных асоб. Пытанне ў тым, наколькі гэтыя сэрвісы гатовы працаваць з фізічнымі асобамі і наадварот», - прызнала чыноўніца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com