ДАІ плануе забараніць некаторыя мадэлі ўсесезонных шын

Ведамства правяло аналіз ДТЗ і прыйшло да "пэўных высноў".

У Беларусі могуць забараніць выкарыстанне ўсесезонных шын, якія не пройдуць тэставанне ў зімовых умовах. Пра гэта расказаў начальнік галоўнай управы ДАІ МУС Беларусі Віктар Ротчанкаў.

Як паведамляецца, ДАІ правяла аналіз ДТЗ з удзелам транспартных сродкаў на ўсесезонных шынах і прыйшла да "пэўных высноў". Але пакуль пытанне аб магчымай забароне ўсесезонных шын у Беларусі абмяркоўваецца.

Прадстаўнік Дзяржаўтаінспекцыі не агучыў падрабязнасцяў, але нагадаў, што тэхрэгламент Мытнага саюза забараняе выкарыстанне гумы з маркіроўкай All Seasons. Паводле ягоных слоў, гэта пытанне ўжо абмяркоўвалася пры карэктаванні ПДР.

Зрэшты, татальнай забароны, відаць, не будзе. У ДАІ гавораць, што, калі такая прадукцыя адпавядае каэфіцыенту счаплення зімовым умовам, яе будуць дапускаць да выкарыстання. У адваротным выпадку яна трапіць пад забарону.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com