Стала вядомая дата новага раўнду перамоваў ЗША і РФ

Перамовы пройдуць у Стамбуле.

Новая сустрэча паміж прадстаўнікамі ЗША і Расеі запланаваная на 10 красавіка, перамовы пройдуць у Стамбуле, паведамілі крыніцы «РІА Навіны» і ТАСС.

Раней МЗС РФ анансавала, што сустрэча будзе прысвечаная нармалізацыі працы амбасадаў дзвюх краінаў. Узначальваць расейскую дэлегацыю будзе амбасадар у ЗША Аляксандр Дарчыеў, амерыканскую – намеснік памочніка дзяржсакратара ў пытаннях Расеі і Цэнтральнай Еўропы Саната Коўлтэр.

Мірнае ўрэгуляванне вайны ва Украіне не стаіць на парадку перамоваў РФ і ЗША ў Стамбуле. Пра гэта ў аўторак на брыфінгу заявіла афіцыйная прадстаўніца Дзярждэпу ЗША Тэмі Брус.

«На парадку дня няма пытанняў палітыкі або бяспекі, і Украіна не стаіць – абсалютна не стаіць – на парадку дня», – сказала Брус. «Гэтыя перамовы датычацца выключна дзейнасці нашай амбасады», – адзначыла яна.

Першая сустрэча ў Стамбуле праходзіла 27 лютага. Тады бакі таксама прадстаўлялі Дарчыеў і Коўлтар. На гэтых перамовах абмяркоўвалася забеспячэнне бесперашкоднага фінансавання дыпмісій, стварэнне ўмоваў для працы дыпламатаў, вяртанне Расеі шасці аб'ектаў нерухомасці ў ЗША, незаконна канфіскаваных у 2016–2018 гадах. Акрамя таго, Масква прапанавала Вашынгтону разгледзець магчымасць аднаўлення прамых авіязносінаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com