Bloomberg: ЗША бачаць у Пуціне перашкоду для дасягнення міру ва Украіне

Высокапастаўленыя еўрапейскія чыноўнікі вядуць перамовы з адміністрацыяй Трампа.

Пазіцыя адміністрацыі прэзідэнта ЗША ў дачыненні да вайны Расеі супраць Украіны стала больш жорсткай, і цяпер расейскі дыктатар Уладзімір Пуцін разглядаецца як перашкода для дасягнення мірнага ўрэгулявання.

Аб гэтым піша агенцтва Bloomberg са спасылкай на еўрапейскіх і амерыканскіх чыноўнікаў.

Са слоў суразмоўцаў агенцтва, высокапастаўленыя еўрапейскія чыноўнікі вядуць перамовы з адміністрацыяй Трампа, каб скончыць працу над прапановым 30-дзённым спыненні агню ва Украіне.

У той жа час, калі расейскі дыктатар Уладзімір Пуцін не пойдзе на саступкі, пагадненне прадугледжвае ўвядзенне новых санкцый супраць Расеі.

Як адзначаюць у Bloomberg, планы яшчэ не канчатковыя і па-ранейшаму залежаць ад ЗША, якія заклікалі да безумоўнага замірэння тэрмінам на 30 дзён, а таксама да таго, каб Расея і Украіна неслі адказнасць за выкананне наўпроставых перамоў.

Дыпламатычныя намаганні па спыненні самага працяглага і кровапралітнага канфлікту ў Еўропе з часоў Другой сусветнай вайны актывізаваліся пасля шэрагу сустрэч паміж еўрапейскімі, амерыканскімі і ўкраінскімі прадстаўнікамі, напрыклад, у Лондане і Парыжы, дадалі ў агенцтве.

Таксама амерыканскія чыноўнікі падрыхтавалі шэраг варыянтаў для Трампа, каб узмацніць эканамічны ціск на Расею.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com