Defense Express: Расейцы на Пакроўскім кірунку апынуліся ў пастцы

Вайсковы аналітык ацаніў шанцы ворага.

У АДГ «Харкаў» паведамілі, што расейскі летні наступ фактычна ўжо пачаўся. Вайсковы аналітык Валерый Рабых расказаў, дзе сканцэнтраваныя сілы УС РФ, і ацаніў шанцы ворага на прасоўванне.

Пра гэта вядома з каментара вайсковага экспэрта і дырэктара Defense Express Валерыя Рабых тэлеканалу «Эспрэса» ад 15 траўня.

Ён праінфармаваў, што зараз расейскія акупанты спрабуюць засяродзіць сілы на Пакроўскім кірунку. За апошнія дні там адбілі 74 варожыя штурмы.

«І тут выглядае для многіх, што яны спрабуюць выйсці ўсё ж да межаў Днепрапятроўскай вобласці. Але тут варта таксама памятаць, што супраціўнік быў пастаўлены Сіламі абароны Украіны менавіта ў такое становішча, каб канцэнтраваць асноўныя сілы на гэтым кірунку» - падкрэсліў аналітык.

Ён растлумачыў, што характар рэльефу мясцовасці абмяжоўвае ворага, не дазваляючы яму доўга ўтрымліваць гэтыя тэрыторыі. У той жа час проста спыніцца расейцы таксама не могуць, бо тады будуць вымушаныя заняць невыгодныя пазіцыі. У адваротным жа выпадку УС РФ адкінуць яшчэ глыбей - у раён Курахава.

Такім чынам акупацыйныя войскі апынуліся ў своеасаблівай «пастцы»: яны змушаныя трымаць на Пакроўскім кірунку шматлікія рэзервы, не маючы магчымасці перакінуць гэтыя рэсурсы на іншыя адцінкі, дзе хацелі б палепшыць сваё становішча.

«Таму выглядае, быццам супраціўнік робіць поспехі, але ён не можа рабіць па-іншаму, і гэта адцягвае і шматлікія рэзервы на гэты кірунак, і не дазваляе супраціўніку канцэнтравацца на тых кірунках, дзе ён хацеў бы таксама палепшыць сваё становішча», — адзначыў Рабых.

Кірунак, які падтрымлівае асноўныя намаганні Расеі ў раёне Пакроўска, - гэта Новапаўлаўскае. Там вораг спрабаваў прарваць абарону УСУ 26 разоў.

«І вядома, што вось якраз гэта і ўсё ж дае нам пэўную магчымасць рабіць аптымістычны прагноз, што супраціўнік не зможа сабраць вялікую колькасць сіл для таго, каб кардынальна нешта змяніць, пачаўшы з новымі сіламі летнюю наступальную кампанію. Іх усё адно не будзе дастаткова для развязання тых задач, якія расейцы для сябе могуць ставіць», - рэзюмаваў экспэрт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com