У Стамбуле скончылася сустрэча паміж украінскай і расейскай дэлегацыямі

Перамовы працягваліся менш за дзве гадзіны.

У Стамбуле ў пятніцу, 16 траўня, скончылася сустрэча паміж украінскай і расейскай дэлегацыямі, паведамляе Reuters. Гэта першыя публічныя перамовы з сакавіка 2022 года, калі Крэмль выставіў непрымальныя ўмовы для капітуляцыі.

Як паведамляе Sky News, на перамовах Расея выставіла патрабаванні, якія з'яўляюцца нерэалістычнымі і значна перавышаюць усё, што абмяркоўвалася раней, паведаміла ўкраінская дыпламатычная крыніца. Дарэчы, крамлёўскія пасланцы патрабавалі вывядзення ўкраінскіх войск з Данецкай, Луганскай, Херсонскай і Запарожскай абласцей, як умовы для спынення агню.

Расея патрабуе ад Украіны вываду войск са сваёй тэрыторыі для падпісання дамовы аб спыненні агню. Таксама расейскія патрабаванні ўключаюць і іншыя «нестандартныя» пункты.

Паводле інфармацыі крыніц украінскіх СМІ, расейская і ўкраінская дэлегацыі «ўзялі паўзу» ў перамовах у Стамбуле, яны яшчэ не скончыліся. Дэлегацыі Украіны і Расеі пакуль застаюцца ў палацы.

Тым часам расейскія СМІ таксама пішуць, што «РФ узяла паўзу ў перамовах».

Украінскі чыноўнік заявіў The Telegraph, што далейшыя перамовы з Расеяй могуць адбыцца, нягледзячы на тое, што яны не запланаваныя.

«Калі яны атрымаюць іншыя інструкцыі з Масквы, то магчыма, што сёння нешта адбудзецца», – сказала крыніца пасля заканчэння перамоў, дадаўшы, што «пакуль гэта не запланаванае».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com