Навукоўцы з усяго свету падпісалі петыцыю ў падтрымку Уладзіміра Мацкевіча

Мацкевіч — адзін з самых вядомых інтэлектуалаў сучаснай Беларусі.

Больш за 250 навукоўцаў з усяго свету падпісалі петыцыю ў падтрымку беларускага філосафа Уладзіміра Мацкевіча, які знаходзіцца за кратамі больш як 3 гады і 9 месяцаў. Як паведамляе «Радыё Рацыя», дакумент адрасаваны міжнародным арганізацыям і інстытуцыям, у тым ліку Еўрапейскай камісіі, Еўрапарламенту, UNESCO, Кангрэсу ЗША, а таксама міністэрствам замежных справаў Літвы і Польшчы.

У звароце напісана, што Мацкевіч — адзін з самых вядомых інтэлектуалаў сучаснай Беларусі, філосаф-рацыяналіст і грамадскі мысляр, які многія гады займаўся асветай, адукацыйнымі праектамі і аналітыкай грамадскіх працэсаў.

У 2021 годзе Мацкевіча затрымалі, а ў 2022-м асудзілі на 5 гадоў зняволення паводле абвінавачанняў, звязаных з «абразай прэзідэнта», «арганізацыяй масавых беспарадкаў» і «стварэннем экстрэмісцкага фармавання». МУС унесла яго ў спіс «экстрэмістаў».

14 траўня Уладзіміру Мацкевічу споўнілася 69 гадоў. Ён адзін з заснавальнікаў «Лятучага ўніверсітэта» — апошняй незалежнай акадэмічнай ініцыятывы ў Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com