«Як быццам год не елі»: беларусы размялі ўсю ежу з безлімітнай рэстарацыі
76- 17.05.2025, 16:33
- 31,522
Установа прыпыніла працу ў дзень адкрыцця.
У Менску 16 траўня адкрылася новая рэстарацыя азіяцкай кухні UMI, яе асаблівасць у тым, што працуе яна ў фармаце швэдскага стала, аднак у першы ж дзень працы там быў такі наплыў наведвальнікаў, што ў выніку рэстарацыя закрылася да 20 траўня. Аб інцыдэнце распавяла блогер Ксенія Іваноўская на сваіх старонках у сацсетках, якая да гэтага рэкламавала яго адкрыццё.
Да адкрыцця паведамлялася, што наведвальнікаў чакае безліміт ежы на дзве гадзіны фіксаваным коштам - 35 рублёў па буднях, і 49 рублёў за тры гадзіны па буднях і ўвесь дзень у выходныя. Знаходзіцца ўстанова ў гандлёвым цэнтры "Чэрвеньскі". У дзень адкрыцця надумалі зрабіць прыемнае гасцям і абвясцілі безліміт за 35 рублёў не на дзве гадзіны, а на ўвесь дзень, і ў выніку палова ежы потым была на памыйніцы, адзначыла Ксенія.
- Я толькі што была ў UMI, ён побач, надумала зайсці спытаць, як у іх справы, я была ў жаху ад таго, як непрыгожа сябе паводзілі нашы людзі. Вось ім далі свабоду, зрабілі нават 35 рублёў на цэлы дзень уваход. Ведаеце, што людзі зрабілі? Яны прыйшлі і кажуць: "А з сабой можна?" Не? Добра, тады мы набяром на тры талеркі гару ежы, усё гэта не з'ямо, і вы гэта ўсё выкінеце. І дзякуючы такім, як мы, кухары на кухні будуць загружаныя на 100%, яны будуць не паспяваць папаўняць запасы страў за секунду, з-за гэтага іншыя людзі будуць абурацца, што яны не могуць пакаштаваць усё, - патлумачыла дзяўчына ў Instagram.
Паводле ейных слоў, у выніку была процьма негатыву проста з-за таго, што "як з ланцуга сарваліся некаторыя асобы, проста, як саранча наляцелі, як быццам год не елі".
“У мяне проста няма слоў”, - склала яна.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
