Буданаў раскрыў дэталі абмену палоннымі 1000 на 1000

Гэта можа адбыцца на наступным тыдні.

Кіраўнік ГУР Мінабароны Кірыл Буданаў спадзяецца, што маштабны абмен палоннымі паміж Украінай і Расеяй адбудзецца ўжо на наступным тыдні.

Як паведамляе РБК-Украіна, пра гэта Буданаў заявіў у эфіры нацыянальнага тэлемарафона.

З ягоных слоў, украінскі бок ужо вядзе працу над спісамі тых, каго можна будзе вярнуць падчас магчымага абмену.

«Спадзяюся, гэта адбудзецца на наступным тыдні. Па спісах будзе абмен, каго зможам забраць, таго будзем забіраць», - сказаў Буданаў.

У кіраўніка ГУВ таксама спыталі, ці бачыць ён рэальныя далягляды магчымага абмену.

«Я не бачу асаблівых праблем для гэтага», - адказаў Буданаў.

Абмен палоннымі «1000 на 1000»

Нагадаем, 16 траўня ў Стамбуле прайшлі перамовы паміж прадстаўнікамі Украіны і Расеі. Цягам больш чым гадзіны бакі абмяркоўвалі пытанні, звязаныя са спыненнем вайны.

Пасля сустрэчы міністр абароны Украіны Рустэм Умераў, які ўзначальваў украінскую дэлегацыю, заявіў, што бакі разглядаюць магчымасць абмену палоннымі па формуле 1000 на 1000.

Пазней гэта пацвердзіў і расейскі бок.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com