Mazda рассакрэціла новы электрыфікаваны седан у спартовым стылі

Запас ходу аўта - 1300 кіламетраў.

Лінейку Mazda EZ-6 пашырыў варыянт Sport Edition. Недарагі седан прапануюць у электрыфікаваных версіях з запасам ходу да 1300 км.

Аб самай цікавай шасцёрцы Mazda паведамляе сайт CarNewsChina.

Седану Mazda EZ-6 дадалі спартовага стылю. Аўто адрозніваецца цёмным глянцавым дэкорам і адмысловымі 19-цалевымі кружэлкамі чорнага колеру. Таксама бачныя чырвоныя тармазныя супарты.

Салон Mazda EZ-6 упрыгожылі скурай і алькантарай, якія разведзены кантраснымі чырвонымі швамі і цёмным хромам. Устаноўлены лічбавы шчыток прыбораў і 14,6-цалевы тачскрын, таксама ёсць праекцыя на лабавое шкло.

Акрамя таго, камплектацыя ўключае панарамны дах, электрапрывад крэслаў, двухзонны клімат-кантроль, адаптыўны круіз-кантроль, набор сістэм бяспекі і аўдыёсістэму Sony з 14 дынамікамі.

Новая шасцёрка Mazda даступная ў некалькіх электрыфікаваных варыянтах. 258-моцны электрамабіль здольны разагнацца да сотні за 7,6 с. Можна абраць батарэі ёмістасцю 56 і 68,8 квт∙г: запас ходу складае 480 і 600 км, адпаведна.

Альтэрнатыва – плагін-гібрыды Mazda EZ-6 з 218-моцным электрарухавіком і бензінавым генератарам на 95 к. с. Ёсць версіі, здольныя праехаць 130 ці 200 км у электрычным рэжыме, а выдатак паліва складае 3,6 л на 100 км. Агульны запас ходу дасягае 1300 км. Кошт Mazda EZ-6 у Кітаі стартуе з прыкладна 24 000 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com