На рынку працы ўзмацняецца праблема, праз якую занерваваўся Лукашэнка

Паводле гэтага паказніку Беларусь значна саступае не толькі Еўрапейскаму Звязу, але і Казахстану і Туркменістану.

У Беларусі прадаўжае нарастаць разрыў паміж рэальнымі заробкамі (іх разлічваюць з улікам інфляцыі) і прадукцыйнасцю працы. Першы паказнік у першым квартале гэтага года вырас на 12,1% да такога ж перыяду 2024-га, другі – на 3%, паведамляе Белстат. На тое, што ў Беларусі ёсць праблемы з прадукцыйнасцю працы, 25 красавіка звяртаў увагу таксама Аляксандр Лукашэнка, піша «Зеркала».

Для параўнання: у студзені – лютым сёлета рэальны заробак вырас на 12,3%, а прадукцыйнасць працы – на 3%. Разрыў у росце гэтых двух параметраў павялічваецца. За той самы перыяд 2024 года фінансавы паказнік вырас на 12,9%, а ў эфектыўнасці працы – на 5,1%.

Нагадаем, у рэйтынгу Міжнароднай арганізацыі працы (МАП) Беларусь займае 67-е месца ў свеце ва ўзроўні прадукцыйнасці працы. Паводле гэтага паказніку краіна значна саступае развітым дзяржавам і ўсяму Еўрапейскаму Звязу, уключаючы Польшчу і Літву, а таксама Казахстану, Расеі і Туркменістану.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com