СМІ: Міжнародная ізаляцыя «дабіла» флот Пуціна

Састарэлыя караблі памяншаюць стратэгічны патэнцыял Масквы.

Расейскі ваенна-марскі флот у Міжземным моры, які абапіраецца на базу ў сірыйскім Тартусе, адчувае сур'ёзны крызіс. Старэнне караблёў, недахоп рэсурсаў праз вайну ва Украіне і міжнародная ізаляцыя робяць флот уразлівым, піша 19FortyFive (пераклад – сайт Charter97.org).

Большая частка флоту пабудаваная ў савецкі час, чаму часта адбываюцца паломкі, як пажар на расейскім выведным караблі «Кільдзін» у 2025 годзе. Праз вайну рэсурсы перанакіраваныя на ўкраінскі кірунак, у рэгіёне адсутнічаюць падводныя лодкі – важны элемент стратэгічнай моцы.

Абвастрэнне стасункаў з NATO і ЕЗ абцяжарвае доступ да партоў, а закрыццё Турцыяй Басфора адрэзала Міжземнаморскі флот ад Чарнаморскага. База ў Тартусе страціла значэнне праз падзенне рэжыму Асада і палітычную нестабільнасць у Сірыі.

Пагаршэнне стану расейскага Міжземнаморскага флоту мае некалькі важных наступстваў:

Па-першае, гэта змяншае ўплыў Масквы на Блізкі Усход і Паўночную Афрыку. Марская моц была ключавым чыннікам для ўмяшання Расеі ў Сірыі і Лівіі. Магчымасці Расеі ўплываць на падзеі ў рэгіёне крыху змяншаюцца.

Па-другое, паслабленне расейскага флоту дае NATO стратэгічную перавагу. З меншай колькасцю расейскіх караблёў у рэгіёне NATO атрымлівае большую свабоду манеўру і можа праводзіць аперацыі з меншай рызыкай сутыкнення. Гэты зрух можа надаць больш упэўненасці Захаду ў падтрымцы Украіны і іншых рэгіянальных хаўруснікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com