«У крамах у бульбы зусім не таварны выгляд»

Шакавальная сітуацыя з асноўным беларускім прадуктам прадаўжаецца.

Журналісты «Салідарнасці» прайшліся па крамах Менска, каб паглядзець, ці змянілася сітуацыя з самай абмеркаванай гароднінай апошніх месяцаў.

Нядаўна яны ўжо рабілі такі агляд. І вось – ізноў. І зноў даводзіцца канстатаваць, што ў крамах у бульбы зусім не таварны выгляд.

У асноўным прадаецца мытая дарагая бульба з коштам ад 2,57 да 4,49 рублёў за кіло. Нямытая танная бульба ёсць не ўсюды.

Самая танная – вельмі дробная і «зморшчаная» – у «Кароне» і «Суседзях» за 1,43 рубля. У «Еўраопце» і «Капеечцы» кошт такой бульбы вышэйшы – 1,50 руб. Людзі вымушаныя падоўгу стаяць каля скрыняў з бульбай, каб выбраць хоць крыху клубняў, прыдатных да ежы. Мала хто набывае больш за адзін кілаграм.

У адрозненне ад прывазных (у асноўным, з Расеі, Узбекістана, Казахстана) капусты, агуркоў, кабачкоў, морквы, імпартнай бульбы намі выяўлена не было.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com