Еменскія хусіты атакавалі балістыкай Ізраіль

З’явіліся першыя звесткі пра наступствы.

Еменскія хусіты ў ноч на 18 траўня зноў атакавалі Ізраіль. Ізраільскія вайскоўцы зафіксавалі пуск ракеты з Емена, у цэнтры краіны была абвешчаная трывога.

Пра гэта ноччу папярэдзілі ў Войску абароны Ізраіля. СПА ўдалося збіць варожую цэль, абышлося без ахвяраў і разбурэнняў.

«Войска абароны Ізраілю выявіла запуск ракеты з Емена ў кірунку тэрыторыі Ізраіля. Сістэмы супрацьпаветранай абароны ВПС Ізраіля працуюць над перахопам пагрозы. Грамадскасць просяць прытрымлівацца абарончых указанняў Камандавання тылу», – гаварылася ў паведамленні вайскоўцаў, апублікаваным у 01:57 ночы 18 траўня.

Ужо неўзабаве ў The Times of Israel апублікавалі больш падрабязнасцяў пра напад.

Ізраіль хусіты атакавалі балістычнай ракетай. Аднак яна была паспяхова перахопленая ізраільскай супрацьпаветранай абаронай.

«Паведамленняў пра пацярпелых або разбурэнні ў выніку нападу няма», – адзначае выданне.

Трывога праз пуск ракеты была абвешчана ў цэнтральнай частцы Ізраіля. Яшчэ да спрацоўвання сірэнаў жыхароў раёнаў, якія знаходзіліся пад пагрозай, папярэдзілі пра напад з дапамогай абвестак на тэлефон.

«З 18 сакавіка, калі Войска абароны Ізраілю аднавіла наступ супраць ХАМАС у сектары Газа, хусіты ў Емене запусцілі 35 балістычных ракетаў і не менш за 10 беспілотнікаў па Ізраілі. Частка ракетаў не дасягнула цэлі», – дадалі ў The Times of Israel.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com