У беларускіх крамах сур'ёзна зменяцца правілы афармлення растэрміноўкі

Што здарылася?

Міністэрства антыманапольнага рэгулявання і гандлю (МАРГ) звярнула ўвагу шэрагу вядомых прадаўцоў на неабходнасць аператыўна змяніць даведачную інфармацыю на сайтах і ў рэкламе, піша Tochka.by.

Так, некалькі буйных кампаній ужо атрымалі папярэджанні. Гэта ТАА «Трыявіст» (21 vek), ЗАТ «Паціа» («5 элемент»), ТАА «Электрасэрвіс і Ко» («Электрасіла»), ТАА «7745 Вялікі магазін», ТАА «ОМА».

Названыя крамы заблытваюць людзей, якія з розных прычынаў не могуць набыць тавар адным плацяжом.

І ўсё ж: растэрміноўка ці крэдыт?

У МАРГ мяркуюць, што інфармацыя на сайтах крамаў і ў рэкламе, у тым ліку ў вонкавай, аб продажы тавараў у растэрміноўку ўважаецца за неналежную.

Пакупнікі часта заключаюць крэдытную дамову з банкам, а сама крама пры гэтым не дае магчымасці падзелу аплаты. Гэта значыць, з'яўляецца трэці персанаж – банк.

«Спажыўцам прапануецца звяртацца ў банкі і іншыя фінансавыя арганізацыі, гэта значыць пакупнікам фактычна прапануецца заключаць самастойныя крэдытныя дамовы пад мінімальныя адсоткі, напрыклад 0,0001%», – растлумачылі ў кантрольнай установе.

Такім чынам, у грамадзянаў толькі ствараецца ілюзія набыцця тавараў у растэрміноўку, хоць насамрэч яны афармляюць крэдыты.

Ва ўстанове таксама нагадалі, што ў выпадку парушэння пакупніком умоваў крэдытнай дамовы ў дачыненні да яго могуць быць ужытыя істотныя захады адказнасці.

А яшчэ заключэнне такіх дамоваў уплывае на крэдытную гісторыю грамадзяніна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com