Рэкорд за ўсю вайну: Расея запусціла па Украіне амаль 300 дронаў

Паветраныя сілы УСУ расказалі пра адбіццё нападу.

Уначы 18 траўня расейскае войска атакавала Украіну рэкорднай за час вайны колькасцю ўдарных дронаў. «Шахеды» і беспілотнікі-імітатары запускалі з пяці кірункаў.

Камандаванне Паветраных сілаў УСУ заявіла пра запуск 273 беспілотнікаў рознага тыпу.

Папярэдні рэкорд у колькасці запушчаных па Украіне дронаў УС РФ паставілі ў ноч на 23 лютага. Тады акупанты скарысталі для атакі балістычныя ракеты і 267 ударных БПЛА.

Ударныя БпЛА «Шахед» і беспілотнікі-імітатары акупанты запускалі з Бранска, Курска, Арла, Мілерава і Прыморска-Ахтарска.

Украінскія сілы СПА збілі 88 «Шахедаў» на ўсходзе, поўначы і ў цэнтры Украіны. Акрамя гэтага, 128 апаратаў «лакацыйна згубіліся».

На стан 9:04 яшчэ адзін дрон быў у паветры, па ім ішла баявая праца. З прычыны расейскага нападу пацярпелі Кіеўская, Днепрапятроўская і Данецкая вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com