Прэзідэнт Фінляндыі: У Трампа заканчваецца цярпенне

Стуб заявіў, што Расея страціла статус вялікай дзяржавы.

Прэзідэнт Фінляндыі Аляксандр Стуб у працяглай размове з кіраўніком Белага дома Дональдам Трампам у суботу паспрабаваў пераканаць яго перагледзець свой пункт гледжання на эканамічную і вайсковую моц Расеі.

Пра размову з Трампам Стуб расказаў на канферэнцыі аб бяспецы ў Эстоніі. The Guardian называе прэзідэнта Фінляндыі адным з нямногіх еўрапейскіх лідараў, якія маюць уплыў на Трампа, паведамляе «Агенцтва».

Свой уплыў Стуб спрабаваў выкарыстаць у размове з Трампам, каб растлумачыць прэзідэнту ЗША, што Расея больш не з'яўляецца вялікай дзяржавай, «прынамсі, у эканамічным плане». «Яна меншая за Італію, крыху большая за Гішпанію [у эканоміцы]. У вайсковым плане яна спрабавала паставіць пад сумнеў суверэнітэт і тэрытарыяльную цэласнасць Украіны тры гады таму. У гэтым годзе яна захапіла менш за 1% тэрыторыі, яе адсоткавая стаўка больш за 20%, а рэзервы вычарпаныя. Так што гэта больш не краіна, якую можна разглядаць як буйную дзяржаву», — заявіў Стуб.

Прэзідэнт Фінляндыі ўдакладніў, што светапогляд Трампа не такі далёкі ад поглядаў 19 стагоддзя і што трэба спрабаваць даносіць ўяўленні аб рэальным становішчы Расеі да прэзідэнта ЗША.

Падчас размовы з прэзідэнтам ЗША ў Стуба склалася ўражанне, што ў Трампа заканчваецца цярпенне ў дачыненні да Уладзіміра Пуціна. «Калі б мы сабралі ўсё разам, то маглі б сказаць, што Зяленскі цярплівы, а прэзідэнт Трамп пачынае страчваць цярпенне, але ў правільным кірунку, гэта значыць у бок Расеі», — заявіў Стуб.

Са слоў прэзідэнта Фінляндыі, ёсць імавернасць, што сэнатары Ліндсі Грэм і Рычард Блюменталь на гэтым тыдні ўнясуць у Кангрэс новы пакет санкцый. Ён уводзіць 500% тарыфы ў дачыненні да краін, якія працягнуць купляць расейскія энэрганосьбіты.

Стуб назваў падрыхтаваны амерыканскімі сэнатарамі пакет санкцый «знішчальным».

Пра размову Стуба і Трампа стала вядома за дзень да планаванай на панядзелак тэлефоннай размовы паміж прэзідэнтам ЗША і Пуціным. У суботу дзяржсакратар Злучаных Штатаў Марка Рубіё заявіў, што Белы дом разлічвае высветліць, ці спрабуе Расея весці перамовы, каб «здабыць час», і даў зразумець, што, калі гэта так, супраць Масквы могуць быць уведзеныя дадатковыя санкцыі.

Ад вынікаў тэлефонных перамоў будзе залежаць пастанова аб унясенні распрацаванага Грэмам і Блюменталем пакета санкцый у Кангрэс, сказаў Стуб.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com