Прэзідэнт Літвы заклікаў далучыцца да пазову ў Гаагу супраць Лукашэнкі
10- 20.05.2025, 11:49
- 2,204
Дзеянні беларускага рэжыму парушаюць міжнароднае права.
Прэзідэнт Літвы Гітанас Наўседа заявіў, што краіны рэгіёну могуць далучыцца да пазову, які Літва падала ў Міжнародны суд у Гаазе з мэтай прыцягнуць беларускі рэжым да адказнасці за справакаваны ім міграцыйны крызіс, паведамляе LRT.
«Я думаю, што заўсёды ёсць магчымасць далучэння нашых партнёраў на больш познім этапе. Тое, што мы праявілі лідарства — гэта вельмі добра. Мы гэтым паказалі, што нам непрымальна тое, што адбываецца ў суседніх дзяржавах», — заявіў кіраўнік літоўскай дзяржавы ў аўторак у эфіры «Žini rad radijas».
Так ён пракаментаваў пастанову Літвы аб падачы пазову на Беларусь у Міжнародны суд ААН, сцвярджаючы, што дзеянні рэжыму Аляксандра Лукашэнкі парушаюць міжнароднае права.
МЗС Літвы адзначыў, што пазоў звязаны з парушэннямі дзяржавамі абавязацельстваў, прадугледжаных пратаколам ААН супраць незаконнай перавозкі мігрантаў па сушы, моры і паветры.
Са слоў Наўседы, нелегальная міграцыя - гэта не зніклая з'ява.
«Гэта адбываецца зноў, зноў абвастраецца, зноў стварае напружанасць ля нашай мяжы. І толькі наіўны чалавек не зразумее, што гэта робіцца свядома — з мэтай эскалацыі, дэстабілізацыі абстаноўкі і стварэння дадатковых праблем як для нашых краін, так і для ўсяго Еўрапейскага Звязу», — сказаў прэзідэнт.
Ён дадаў, што пасля міграцыйнага крызісу 2021 года ЕЗ стаў больш устойлівым:
«Нам удалося прыцягнуць увагу Еўразвязу да праблемы бяспекі замежных межаў, і гэта адлюстроўваецца ў апошніх дакументах Еўрапейскай рады: краінам, якія мяжуюць з дзяржавамі-агрэсарамі — Беларуссю і Расеяй — павінна быць нададзеная дадатковая ўвага і дадзенае дадатковае фінансаванне для забеспячэння агульнай бяспекі замежных межаў ЕЗ», — адзначыў Наўседа.
МЗС Літвы сцвярджае, што ўдзел Менска ў арганізацыі крызісу пацвярджаецца павелічэннем колькасці рэйсаў з Блізкага Усходу і іншых рэгіёнаў, выдачай віз і размяшчэннем мігрантаў, арганізаваным беларускімі дзяржаўнымі структурамі.
Акрамя таго, многія мігранты, якія прыбылі ў Беларусь, суправаджаліся да літоўскай мяжы беларускімі сілавікамі і прымушаліся да яе незаконнага перасячэння, часцяком у небяспечных і пагрозлівых для жыцця ўмовах.
Літоўскае замежнапалітычнае ведамства заявіла, што памежная служба Беларусі адмаўляецца ад супрацоўніцтва з літоўскімі структурамі для прадухілення незаконных перасячэнняў мяжы, нягледзячы на адпаведныя просьбы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
