Брытанія ўвяла новыя санкцыі супраць Расеі

Пад ударам — структуры, якія падтрымліваюць расейскую вайсковую машыну.

У аўторак, 20 траўня, урад Брытаніі абвясціў аб новых шырокамаштабных санкцыях супраць РФ.

У заяве брытанскага ўрада гаворыцца, што аб'екты апошніх санкцый Лондана ўключаюць структуры, якія падтрымліваюць расейскую вайсковую машыну, экспарт энэрганосьбітаў і інфармацыйную вайну, а таксама фінансавыя ўстановы, якія дапамагаюць фінансаваць уварванне ва Украіну.

Вялікабрытанія ўвяла санкцыі супраць яшчэ 14 чальцоў агенцтва сацыяльнага праектавання.

Сярод фінансавых устаноў пад Брытанскія санкцыі трапілі 46 кампаній, а таксама Санкт-Пецярбуржская валютная біржа і дзяржаўная карпарацыя Агенцтва страхавання ўкладаў.

Адзначаецца, што санкцыі Брытаніі супраць ценявога флоту закранаюць 18 суднаў, а таксама брытанскага грамадзяніна Джона Майкла Армерада, які купляў судны для перавозкі расейскай нафты, і двух расейскіх капітанаў такіх танкераў.

17-ы пакет санкцый супраць РФ таксама ўвёў ЕЗ.

Высокая прадстаўніца ЕЗ у замежных справах Кая Калас заявіла, што яны тычацца гібрыдных пагроз і правоў чалавека. Яна таксама анансавала, што блок рыхтуе яшчэ больш санкцый супраць Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com