Некаторыя беларусы з ліпеня могуць застацца без пенсій і дапамог на дзяцей
2- 20.05.2025, 15:36
- 5,362
Пра гэта заявіла Мінпрацы.
З 1 ліпеня некаторым беларусам могуць прыпыніць выдачу пенсій, дапамог на дзяцей, а таксама іншых выплат. Гэта можа адбыцца з тымі, хто не адкрые спецыяльны рахунак у банку. У Мінпрацы расказалі падрабязнасці.
Што зменіцца
Да 1 ліпеня гэтага года беларусы, якія атрымліваюць пенсіі, дапамогі на дзяцей і некаторыя іншыя сацыяльныя выплаты праз банкі, павінны абзавесціся адмысловымі рахункамі, якія называюцца базавымі разліковымі. На іх і будуць пералічваць грошы.
Базавы рахунак сваімі функцыямі не адрозніваецца ад бягучага. Асноўная розніца ў тым, што ён прадугледжвае пэўны спіс аперацый, з правядзення якіх банкі не бяруць камісію. Да прыкладу, гэта адкрыццё і закрыццё такога рахунку, залічэнне на яго сацыяльных выплат (пенсій, дапамог на дзяцей, выплат у беспрацоўі, стыпендый і іншых), пераводы паміж такімі рахункамі, зняцце гатоўкі праз банкаматы і касы гэтага ж банка, разлікі за тавары.
Што важна паспець зрабіць і да якой даты
У Мінпрацы паведамляюць, што абзавесціся такімі базавымі рахункамі трэба да 1 ліпеня. «Калі ў вас ужо ёсць базавы рахунак - нічога не патрабуецца. Калі не — звярніцеся ў банк для адкрыцця новага базавага рахунку або пераафармлення рахунку ў базавы, — адзначаюць у ведамстве. - Да 20 чэрвеня 2025 года — крайні тэрмін для звароту ў банк».
У Мінпрацы пералічваюць, якія выплаты з 1 ліпеня будуць пералічваць толькі на базавыя рахункі. Гэта пенсіі, дапамогі на дзяцей (калі выплачваюцца праз сацабарону, а не праз працу), дапамога ў беспрацоўі, дзяржаўная адрасная сацдапамога, дапамога ў доглядзе інвалідаў I групы або асобай старэйшай за 80 гадоў, а таксама выплаты асобе, якая даглядае ў замяшчальных сем'ях, матэрыяльная дапамога да школы і выплаты на блізнят.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
