У 17-ы пакет санкцый ЕЗ супраць РФ уключаны Менскі завод колавых цягачоў

Завод распрацоўвае вайсковую тэхніку Расеі.

ААТ “Мінскі завод колавых цягачоў " (МЗКЦ) уключана ў зацверджаны 20 траўня Радай ЕЗ 17-ы пакет санкцый супраць Расеі ў сувязі з агрэсіяй ва Украіне, вынікае з дакумента, апублікаванага ў Афіцыйным часопісе Еўрапейскага Звязу.

У абгрунтаванні гаворыцца, што «Мінскі завод колавых цягачоў» — беларускае вайскова-прамысловае прадпрыемства, якое распрацоўвае вайсковую тэхніку для Узброеных Сіл РФ і падтрымлівае абараназдольнасць Расеі».

«Толькі ў 2024 годзе агульны аб'ём экспарту прадпрыемства склаў 306 вагонаў вайсковай тэхнікі, у асноўным пастаўленай расейскім прадпрыемствам, якія ўваходзяць у ваенна-прамысловы комплекс Расейскай Федэрацыі. У 2025 годзе прадпрыемства працягнула экспарт вайсковай тэхнікі ў Расейскую Федэрацыю», — адзначана ў дакуменце.

Такім чынам, гаворыцца ў абгрунтаванні, МЗКЦ «надае матэрыяльную падтрымку вайскова-прамысловаму комплексу Расеі і ўраду Расейскай Федэрацыі, які нясе адказнасць за анэксію Крыма і дэстабілізацыю сітуацыі ва Украіне».

ААТ «МЗКЦ» спецыялізуецца на вытворчасці вялікагрузных колавых транспартных сродкаў высокай праходнасці. Прадпрыемства ўжо знаходзіцца пад санкцыямі ЕЗ са снежня 2020 года, прынятымі за парушэнні правоў чалавека ў Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com