У Нямеччыне трох чалавек абвінавачваюць у шпіянажы і падрыхтоўцы дыверсій у інтарэсах РФ

Іх мэты ўключалі нафтаперапрацоўчы завод у Баварыі, склады DHL і многае іншае.

У Мюнхене пачаўся судовы працэс над трыма грамадзянамі з падвойным грамадзянствам - Нямеччыны і Расеі, абвінавачанымі ў шпіянажы на карысць Крамля і падрыхтоўцы дыверсій на крытычна важных аб'ектах вайсковай і прамысловай інфраструктуры, піша The Guardian (пераклад — сайт Charter97.org).

Паводле абвінавачання, трое падазраваных - Дытэр С. (меркаваны арганізатар), Аляксандр Й. і Алекс Д. - збіралі сакрэтную інфармацыю аб амерыканскім вайсковым палігоне ў Графенверы і нафтаперапрацоўчым заводзе ў Баварыі. Таксама яны планавалі тэракты і выбухі на аб'ектах, звязаных з падтрымкай Украіны, з мэтай аслабіць падтрымку Украіны з боку Нямеччыны.

Дытэр Ч. абвінавачваецца ў падрыхтоўцы падпалаў, арганізацыі выбухаў, здымцы ваенных аб'ектаў і сяюроўстве ў замежнай тэрарыстычнай арганізацыі. Паводле версіі следства, ён ваяваў на баку прарасейскіх сепаратыстаў у самаабвешчанай ДНР з 2014 года. Менавіта тады ён, як сцвярджаецца, пазнаёміўся з агентам расейскай выведкі, з якім вёў перамовы аб дыверсіях у Нямеччыне, пачынаючы з восені 2023 года. З сакавіка 2024 года яму, паводле звестак следства, сталі дапамагаць Аляксандр Й. і Алекс Д.

Двое апошніх прызналі асобныя эпізоды абвінавачвання, але адмаўляюць факт супрацоўніцтва з замежнай выведкай. Дытэр С. адхіляе ўсе вылучаныя супраць яго абвінавачванні.

Працэс праходзіць на фоне падвышанай увагі нямецкіх спецслужбаў да пагроз з боку замежных дзяржаў. На мінулым тыдні былі арыштаваныя трое грамадзян Украіны, якія падазраюцца ў падрыхтоўцы дыверсій у інтарэсах Расеі - гаворка ішла аб выбухах на лагістычных аб'ектах і адпраўцы пасылак з выбухоўкай.

Паводле інфармацыі нямецкай пракуратуры, у апошнія месяцы ў Еўропе папярэджана некалькі падобных нападаў - пасля выбухаў пасылак на лагістычных складах DHL у Лейпцыгу (Нямеччына), Бірмінгэме (Вялікабрытанія) і Варшаве (Польшча).

Працэс у Мюнхене запланаваны на канец снежня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com