Брытанская выведка: Расея ўсё больш падобная на герантакратыю

Такім чынам Пуцін спрабуе забяспечыць уласнае палітычнае выжыванне.

Узрост большасці кіраўнікоў краіны-агрэсаркі Расеі перавышае сярэднюю працягласць жыцця мужчын у краіне, якая складае 68 гадоў, уключаючы 72-гадовага Уладзіміра Пуціна, заяўляе Міністэрства абароны Вялікабрытаніі са спасылкай на звесткі выведкі.

Вайсковы кантракт сакратара Савета бяспекі РФ і экс-міністра абароны Сяргея Шайгу працягнулі яшчэ на 5 гадоў - да 2030 года, калі яму споўніцца 75 гадоў, гаворыцца ў паведамленні. Шайгу, які з'яўляецца блізкім паплечнікам Пуціна, прапусціў вайсковы парад да Дня Перамогі ў Маскве 9 траўня праз праблемы, звязаныя з сэрцам.

"Расейская дзяржава ўсё больш падобная на герантакратыю - форму праўлення, у якой старэйшыя кіраўнікі значна перавышаюць ва ўзросце большасць дарослага насельніцтва. Пуцін, з вялікай імавернасцю, імкнецца ўтрымліваць на кіроўных пасадах асабіста адданых хаўруснікаў, каб забяспечыць, як яму здаецца, стабільнасць рэжыму, а таксама ўласнае палітычнае выжыванне», – адзначае прэс-служба.

Прызначэнне на высокія пасады людзей старэйшага ўзросту, якія доўгі час дэманстравалі асабістую адданасць дыктатару, «відавочна, выклікае незадаволенасць і расчараванне сярод малодшага пакалення амбіцыйных патэнцыйных лідараў», інфармуе Мінабароны Вялікабрытаніі.

Акрамя гэтага, гэта істотна падрывае эфектыўнасць і выніковасць кіраўніцкіх пастаноў, якія, магчыма, прымаюць не самыя здольныя асобы, а тыя, хто ўжо даўно праявіў згоду і адданасць аўтарытарызму Пуціна, а таксама атрымлівае ад гэтага найбольшую выгаду, мяркуюць экспэрты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com